واقعۂ غدیرِ خم تاریخِ اسلام کا وہ تقدیر ساز نقطۂ عطف ہے جہاں پیغمبرِ اکرم (صلیاللہعلیہوآلہوسلم) نے امرِ الٰہی کے تحت حضرت امیرالمؤمنین (علیہالسلام) کی جانشینی کا اعلان فرمایا۔ اس تاریخی موقع پر آپ کا تقریباً ایک گھنٹے کا مفصل خطبہ، سب سے بڑھ کر دین اور ولایت کا قرآنِ مجید کے ساتھ ناگسستنی اور دائمی تعلق کا منہ بولتا ثبوت ہے۔ پیغمبرِ اکرم (صلیاللہعلیہوآلہوسلم) نے اس خطبے میں قرآنِ مجید کی متعدد سورتوں اور آیات کی تلاوت اور ان کی تفسیر کے ذریعے امیرالمؤمنین (علیہالسلام) کی ولایت و امامت کے رفیع الشان مقام کو کائنات پر آشکار فرمایا۔ یہ خطبہ نہ صرف غدیر کے اصل پیغام کی تشریح کرتا ہے، بلکہ ولایتِ علوی کی حقانیت پر سب سے بڑی قرآنی سند ہے۔
خطبۂ غدیر میں شامل آیاتِ قرآنی
خطبۂ غدیر میں، پیغمبرِ اکرم (صلیاللہعلیہوآلہوسلم) نے بے شمار آیاتِ کریمہ سے استناد کرتے ہوئے امت کے سامنے ولایتِ امیرالمؤمنین (علیہالسلام) کی الٰہی مشروعیت کو واضح فرمایا تاکہ ہر طرح کی حجت تمام ہو جائے۔ اس خطبے میں آنے والی تمام آیاتِ مبارکہ مع ترجمہ درج ذیل ہیں:
سورۂ بروج، آیت نمبر ۱۳
«إِنَّهُ هُوَ يُبْدِئُ وَيُعِيدُ»
"بیشک وہی پہلی بار پیدا کرتا ہے اور وہی دوبارہ زندہ کرے گا۔”
سورۂ انعام، آیت نمبر ۱۰۳
«وَهُوَ يُدْرِكُ الْأَبْصَارَ وَهُوَ اللَّطِيفُ الْخَبِيرُ»
"اور چشمانِ (ظاہری) اسے نہیں پا سکتیں، جبکہ وہ تمام نگاہوں کا احاطہ کیے ہوئے ہے، اور وہ باریک بین اور باخبر ہے۔”
سورۂ اعراف، آیت نمبر ۵۴
«يُغْشِي اللَّيْلَ النَّهارَ يَطْلُبُهُ حَثِيثاً»
"وہ رات کو دن پر ڈھانپ دیتا ہے، جبکہ دن رات کے پیچھے تیزی سے دوڑا چلا آتا ہے۔”
سورۂ توحید، آیت نمبر ۴
«وَلَمْ يَكُنْ لَهُ كُفُواً أَحَدٌ»
"اور اس کا کوئی ہمسر یا برابر کا نہیں ہے۔”
سورۂ ملک، آیت نمبر ۱
«لَهُ الْمُلْكُ وَلَهُ الْحَمْدُ بِيَدِهِ الْخَيْرُ وَهُوَ عَلى كُلِّ شَيْءٍ قَدِيرٌ»
"اسی کے لیے بادشاہی ہے اور اسی کے لیے تمام تعریفیں ہیں؛ خیر اسی کے ہاتھ میں ہے اور وہ ہر چیز پر قادر ہے۔”
سورۂ بقرہ، آیت نمبر ۲۸۵
«آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا»
"رسول اس پر ایمان لائے جو ان کے رب کی طرف سے ان پر نازل کیا گیا اور مؤمنین بھی؛ یہ سب اللہ، اس کے فرشتوں، اس کی کتابوں اور اس کے رسولوں پر ایمان لائے (اور کہتے ہیں کہ) ہم اس کے رسولوں میں سے کسی کے درمیان تفریق نہیں کرتے؛ اور انہوں نے کہا: ہم نے سنا اور اطاعت کی۔”
سورۂ مائدہ، آیت نمبر ۶۷ (آیتِ تبلیغ)
«يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ وَإِنْ لَمْ تَفْعَلْ فَمَا بَلَّغْتَ رِسَالَتَهُ وَاللَّهُ يَعْصِمُكَ مِنَن النَّاسِ»
"اے رسول! جو کچھ آپ کے رب کی طرف سے آپ پر (علی کی ولایت کے بارے میں) نازل کیا گیا ہے، اسے پہنچا دیجیے؛ اور اگر آپ نے ایسا نہ کیا تو گویا آپ نے اس کا کوئی پیغام ہی نہیں پہنچایا؛ اور اللہ آپ کو لوگوں کے شر سے محفوظ رکھے گا۔”
سورۂ مائدہ، آیت نمبر ۵۵ (آیتِ ولایت)
«إِنَّمَا وَلِيُّكُمُ اللَّهُ وَرَسُولُهُ وَالَّذِينَ آمَنُوا الَّذِينَ يُقِيمُونَ الصَّلَاةَ وَيُؤْتُونَ الزَّكَاةَ وَهُمْ رَاكِعُونَ»
"تمہارا ولی و سرپرست تو صرف اللہ ہے اور اس کا رسول اور وہ مؤمنین (جیسے علی بن ابی طالب) ہیں جو نماز قائم کرتے ہیں اور رکوع کی حالت میں زکوٰۃ دیتے ہیں۔”
سورۂ فتح، آیت نمبر ۱۱
«يَقُولُونَ بِأَلْسِنَتِهِمْ مَا لَيْسَ فِي قُلُوبِهِمْ»
"وہ اپنی زبانوں سے وہ باتیں کہتے ہیں جو ان کے دلوں میں نہیں ہیں۔”
سورۂ نور، آیت نمبر ۱۵
«تَحْسَبُونَهُ هَيِّناً وَهُوَ عِنْدَ اللَّهِ عَظِيمٌ»
"اور تم اسے ایک معمولی بات سمجھ رہے ہو، جبکہ اللہ کے نزدیک یہ بہت بڑی بات ہے۔”
سورۂ توبہ، آیت نمبر ۶۱
«وَمِنْهُمُ الَّذِينَ يُؤْذُونَ النَّبِيَّ وَيَقُولُونَ هُوَ أُذُنٌ قُلْ أُذُنُ خَيْرٍ لَكُمْ يُؤْمِنُ بِاللَّهِ وَيُؤْمِنُ لِلْمُؤْمِنِينَ وَرَحْمَةٌ لِلَّذِينَ آمَنُوا مِنْكُمْ وَالَّذِينَ يُؤْذُونَ رَسُولَ اللَّهِ لَهُمْ عَذَابٌ أَلِيمٌ»
"اور ان (منافقوں) میں سے کچھ ایسے ہیں جو نبی کو اذیت دیتے ہیں اور کہتے ہیں کہ یہ تو کانوں کے کچے (ہر ایک کی سننے والے) ہیں۔ آپ کہہ دیجیے: وہ تمہاری بھلائی کے لیے سراپا گوش ہیں، وہ اللہ پر ایمان رکھتے ہیں اور مؤمنین کی باتوں کا یقین کرتے ہیں، اور تم میں سے صاحبانِ ایمان کے لیے سراپا رحمت ہیں؛ اور جو لوگ اللہ کے رسول کو اذیت دیتے ہیں، ان کے لیے دردناک عذاب ہے۔”
سورۂ یٰسین، آیت نمبر ۱۲
«وَكُلَّ شَيْءٍ أَحْصَيْنَاهُ فِي إِمَامٍ مُبِينٍ»
"اور ہم نے ہر چیز کا احاطہ ایک روشن کتاب (لوحِ محفوظ / امامِ مبین) میں کر رکھا ہے۔”
سورۂ مائدہ، آیت نمبر ۵۴
«يُجَاهِدُونَ فِي سَبِيلِ اللَّهِ وَلَا يَخَافُونَ لَوْمَةَ لَائِمٍ»
"وہ اللہ کی راہ میں جہاد کرتے ہیں اور کسی ملامت کرنے والے کی ملامت کی کوئی پروا نہیں کرتے۔”
سورۂ طلاق، آیت نمبر ۸
«…وَعَذَّبْنَاهَا عَذَاباً نُكْراً»
"۔۔۔اور ہم نے اسے بہت ہی سخت عذاب دیا۔”
سورۂ کہف، آیت نمبر ۸۷
«أَمَّا مَنْ ظَلَمَ فَسَوْفَ نُعَذِّبُهُ ثُمَّ يُرَدُّ إِلى رَبِّهِ فَيُعَذِّبُهُ عَذَاباً نُكْراً»
"بہرامحال جس نے بھی ظلم کیا، ہم اسے عنقریب عذاب دیں گے، پھر وہ اپنے رب کی طرف پلٹایا جائے گا تو وہ اسے اور بھی عبرت ناک عذاب دے گا۔”
سورۂ بقرہ، آیت نمبر ۲۴
«فَاتَّقُوا النَّارَ الَّتِي وَقُودُهَا النَّاسُ وَالْحِجَارَةُ أُعِدَّتْ لِلْكَافِرِينَ»
"تو اس آگ سے بچو جس کا ایندھن انسان اور پتھر ہیں، جو کافروں کے لیے تیار کی گئی ہے۔”
سورۂ حشر، آیت نمبر ۱۸
«وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ»
"اور ہر نفس کو دیکھنا چاہیے کہ اس نے کل (آخرت) کے لیے کیا آگے بھیجا ہے، اور اللہ سے ڈرو۔”
سورۂ نحل، آیت نمبر ۹۴
«فَتَزِلَّ قَدَمٌ بَعْدَ ثُبُوتِهَا….إِنَّ اللَّهَ خَبِيرٌ بِمَا تَعْمَلُونَ»
"تاکہ کوئی قدم جمنے کے بعد اکھڑ نہ جائے۔۔۔ بیشک اللہ تمہارے اعمال سے خوب باخبر ہے۔”
سورۂ زمر، آیت نمبر ۵۶
«أَنْ تَقُولَ نَفْسٌ يَا حَسْرَتَى عَلى مَا فَرَّطْتُ فِي جَنْبِ اللَّهِ»
"کہیں کوئی نفس یہ نہ کہنے لگے: ہائے افسوس! اس کوتاہی پر جو میں نے اللہ کے حق میں کی۔”
سورۂ نساء، آیت نمبر ۸۲
«أَفَلَا يَتَدَبَّرُونَ الْقُرْآنَ»
"کیا یہ لوگ قرآن میں غور و تدبر نہیں کرتے؟”
سورۂ آلِ عمران، آیت نمبر ۷ (ام الکتاب)
«هُوَ الَّذِي أَنْزَلَ عَلَيْكَ الْكِتابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ وَمَا يَعْلَمُ تَأْوِيلَهُ إِلَّا اللَّهُ وَالرَّاسِخُونَ فِي الْعِلْمِ»
"وہی ہے جس نے آپ پر کتاب نازل کی جس میں سے کچھ آیات ‘محکم’ (واضح) ہیں جو کتاب کی اصل (بنیاد) ہیں اور دوسری ‘متشابه’ ہیں؛ پس جن کے دلوں میں کجی (انحراف) ہے، وہ فتنہ انگیزی اور من مانی تاویل کی خاطر متشابہات کے پیچھے ہولیتے ہیں، حالانکہ ان کی حقیقی تاویل اللہ اور علم میں راسخ (اہلِ بیت) کے سوا کوئی نہیں جانتا۔”
سورۂ ق، آیت نمبر ۵
«مَا يُبَدَّلُ الْقَوْلُ لَدَيَّ»
"میرے یہاں بات بدلی نہیں جاتی۔”
سورۂ مائدہ، آیت نمبر ۳ (آیتِ اکمالِ دین)
«الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِيناً»
"آج میں نے تمہارے لیے تمہارا دین کامل کر دیا، اور اپنی نعمت تم پر تمام کر دی، اور تمہارے لیے اسلام کو بطورِ دین پسند کر لیا۔”
سورۂ آلِ عمران، آیت نمبر ۱۹
«إِنَّ الدِّينَ عِنْدَ اللَّهِ الْإِسْلَامُ»
"بیشک اللہ کے نزدیک دین صرف اسلام ہے۔”
سورۂ آلِ عمران، آیت نمبر ۸۵
«وَمَنْ يَبْتَغِ غَيْرَ الْإِسْلَامِ دِيناً فَلَنْ يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ»
"اور جو کوئی اسلام کے سوا کسی اور دین کا طالب ہوگا، تو وہ اس سے ہرگز قبول نہیں کیا جائے گا اور وہ آخرت میں نقصان اٹھانے والوں میں سے ہوگا۔”
سورۂ بقرہ، آیت نمبر ۲۱۷
«فَأُولئِكَ الَّذِينَ حَبِطَتْ أَعْمَالُهُمْ فِي الدُّنْيَا وَالْآخِرَةِ وَفِي النَّارِ هُمْ خَالِدُونَ»
"پس یہی وہ لوگ ہیں جن کے اعمال دنیا اور آخرت میں برباد ہو گئے اور وہ ہمیشہ آگ میں رہنے والے ہیں۔”
سورۂ آلِ عمران، آیت نمبر ۸۸
«لَا يُخَفَّفُ عَنْهُمُ الْعَذَابُ وَلَا هُمْ يُنْظَرُونَ»
"نہ تو ان کے عذاب میں کوئی تخفیف کی جائے گی اور نہ ہی انہیں کوئی مہلت دی جائے گی۔”
وضاحت: سورۂ انسان (ھل اتیٰ / دھر) کی تمام آیات حضرت امیر المؤمنین (علیہ السلام) اور ان کے پاکیزہ خاندان (اہلِ بیت) کی شان میں نازل ہوئی ہیں۔ اسی طرح سورۂ عصر کی تفسیری ابعاد میں بھی امیر المؤمنین (علیہ السلام) کی ذاتِ گرامی کی طرف اشارہ کیا گیا ہے۔
سورۂ نور، آیت نمبر ۵۴ (آیتِ بلاغِ مبین)
«وَمَا عَلَى الرَّسُولِ إِلَّا الْبَلَاغُ الْمُبِينُ»
"اور رسول کے ذمے تو صرف واضح طور پر (پیغام کا) پہنچا دینا ہے۔”
سورۂ آلِ عمران، آیت نمبر ۱۰۲
«اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ»
"اللہ سے ڈرو جیسا کہ اس سے ڈرنے کا حق ہے، اور تمہیں موت نہ آئے مگر اس حال میں کہ تم مسلم (فرمانبردار) ہو۔”
سورۂ تغابن، آیت نمبر ۸
«فَآمِنُوا بِاللَّهِ وَرَسُولِهِ وَالنُّورِ الَّذِي أَنْزَلْنَا»
"پس تم اللہ پر، اس کے رسول پر اور اس نور (قرآن و امامت) پر ایمان لاؤ جسے ہم نے نازل کیا ہے۔”
سورۂ اعراف، آیت نمبر ۱۵۷
«وَاتَّبَعُوا النُّورَ الَّذِي أُنْزِلَ مَعَهُ»
"اور انہوں نے اس نور کی پیروی کی جو اس کے ساتھ نازل کیا گیا ہے۔”
سورۂ نساء، آیت نمبر ۴۷
«مِنْ قَبْلِ أَنْ نَطْمِسَ وُجُوهاً فَنَرُدَّهَا عَلى أَدْبَارِهَا أَوْ نَلْعَنَهُمْ كَمَا لَعَنَّا أَصْحَابَ السَّبْتِ»
"اس سے پہلے کہ ہم چہروں کو مسخ کر کے انہیں ان کی پشت کی طرف پھیر دیں، یا ان پر اسی طرح لعنت کریں جس طرح ہم نے ہفتے والوں (اصحابِ سبت) پر لعنت کی تھی۔”
سورۂ آلِ عمران، آیت نمبر ۱۴۴
«وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ أَفَإِنْ مَاتَ أَوْ قُتِلَ انْقَلَبْتُمْ عَلى أَعْقَابِكُمْ وَمَنْ يَنْقَلِبْ عَلى عَقِبَيْهِ فَلَنْ يَضُرَّ اللَّهَ شَيْئاً وَسَيَجْزِي اللَّهُ الشَّاكِرِينَ»
"اور محمد تو محض ایک رسول ہیں، ان سے پہلے بھی بہت سے رسول گزر چکے ہیں؛ بھلا اگر وہ وفات پا جائیں یا شہید کر دیے جائیں، تو کیا تم الٹے پاؤں (اپنے پرانے کفر پر) پلٹ جاؤ گے؟ اور جو کوئی الٹے پاؤں پلٹے گا، وہ اللہ کو کوئی نقصان نہیں پہنچا سکے گا؛ اور اللہ شکر گزاروں کو عنقریب جزا دے گا۔”
سورۂ حجرات، آیت نمبر ۱۷
«يَمُنُّونَ عَلَيْكَ أَنْ أَسْلَمُوا قُلْ لَا تَمُنُّوا عَلَيَّ إِسْلَامَكُمْ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ»
"وہ آپ پر احسان جتاتے ہیں کہ وہ اسلام لے آئے ہیں۔ آپ کہہ دیجیے: اپنے اسلام کا احسان مجھ پر نہ جتاؤ، بلکہ اللہ تم پر احسان جتاتا ہے کہ اس نے تمہیں ایمان کی ہدایت دی۔”
سورۂ محمد، آیت نمبر ۲۸
«ذلِكَ بِأَنَّهُمُ اتَّبَعُوا مَا أَسْخَطَ اللَّهَ وَكَرِهُوا رِضْوَانَهُ فَأَحْبَطَ أَعْمَالَهُمْ»
"یہ اس لیے ہوا کیونکہ انہوں نے اس راستے کی پیروی کی جس نے اللہ کو ناراض کیا اور انہوں نے اس کی رضا کو ناپسند کیا، تو اللہ نے ان کے تمام اعمال برباد کر دیے۔”
سورۂ رحمن، آیت نمبر ۳۵
«يُرْسَلُ عَلَيْكُمَا شُوَاظٌ مِنْ نَارٍ وَنُحَاسٌ فَلَا تَنْتَصِرَانِ»
"تم دونوں (جن و انس) پر آگ کا شعلہ اور دھواں چھوڑا جائے گا، پھر تم اپنا بچاؤ نہ کر سکو گے۔”
سورۂ فجر، آیت نمبر ۱۴
«إِنَّ رَبَّكَ لَبِالْمِرْصَادِ»
"بیشک آپ کا رب گھات (کمین گاہ) میں ہے۔”
سورۂ قصص، آیت نمبر ۴۱
«وَجَعَلْنَاهُمْ أَئِمَّةً يَدْعُونَ إِلَى النَّارِ وَيَوْمَ الْقِيَامَةِ لَا يُنْصَرُونَ»
"اور ہم نے انہیں ایسے پیشوا (رہنما) بنا دیا جو آگ کی طرف بلاتے ہیں، اور قیامت کے دن ان کی کوئی مدد نہیں کی جائے گی۔”
سورۂ نساء، آیت نمبر ۱۴۵
«إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ»
"بیشک منافقین جہنم کے سب سے نچلے درجے (طبقے) میں ہوں گے۔”
سورۂ نحل، آیت نمبر ۲۹
«فَادْخُلُوا أَبْوَابَ جَهَنَّمَ خَالِدِينَ فِيهَا فَلَبِئْسَ مَثْوَى الْمُتَكَبِّرِينَ»
"پس جہنم کے دروازوں میں داخل ہو جاؤ جہاں ہمیشہ رہنا ہے؛ اور متکبرین کا کیا ہی برا ٹھکانا ہے۔”
سورۂ رحمن، آیات ۳۱ اور ۳۵ (آیتِ الثقلین کے تناظر میں)
«سَنَفْرُغُ لَكُمْ أَيُّهَ الثَّقَلَانِ»
"اے جن و انس! عنقریب ہم تمہارے حساب و کتاب کی طرف متوجہ ہوتے ہیں۔”
«يُرْسَلُ عَلَيْكُمَا شُوَاظٌ مِنْ نَارٍ وَنُحَاسٌ فَلَا تَنْتَصِرَانِ»
"تم دونوں پر آگ کا شعلہ اور تانبا (یا دھواں) چھوڑا جائے گا، پھر تم بدلہ نہ لے سکو گے۔”
سورۂ آلِ عمران، آیت نمبر ۱۷۹
«لِيَذَرَ الْمُؤْمِنِينَ عَلى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ وَمَا كَانَ اللَّهُ لِيُطْلِعَكُمْ عَلَى الْغَيْبِ»
"اللہ مؤمنوں کو اس حال پر ہرگز نہیں چھوڑ سکتا جس پر تم (اب) ہو، جب تک کہ وہ پاک کو ناپاک سے (آزمائش کے ذریعے) الگ نہ کر دے؛ اور اللہ کی یہ سنت نہیں کہ تمہیں غیب کا علم دے۔”
سورۂ اسراء، آیت نمبر ۵۸
«وَإِنْ مِنْ قَرْيَةٍ إِلَّا نَحْنُ مُهْلِكُوهَا قَبْلَ يَوْمِ الْقِيَامَةِ»
"اور کوئی بھی بستی (سرکشوں کی) ایسی نہیں ہے جسے ہم قیامت کے دن سے پہلے ہلاک کرنے والے نہ ہوں۔”
سورۂ صافات، آیت نمبر ۷۱
«وَلَقَدْ ضَلَّ قَبْلَهُمْ أَكْثَرُ الْأَوَّلِينَ»
"اور یقیناً ان سے پہلے بھی بہت سے اگلے لوگ گمراہ ہو چکے تھے۔”
سورۂ مرسلات، آیات ۱۶ تا ۱۹
«أَلَمْ نُهْلِكِ الْأَوَّلِينَ * ثُمَّ نُتْبِعُهُمُ الْآخِرِينَ * كَذٰلِكَ نَفْعَلُ بِالْمُجْرِمِينَ * وَيْلٌ يَوْمَئِذٍ لِلْمُكَذِّبِينَ»
"کیا ہم نے اگلوں کو ہلاک نہیں کیا؟ پھر ہم ان کے پیچھے پھچھلوں کو بھی لے آئے (ہلاک کیا)۔ ہم مجرموں کے ساتھ ایسا ہی کیا کرتے ہیں۔ اس دن جھٹلانے والوں کے لیے بڑی تباہی ہے۔”
سورۂ انعام، آیت نمبر ۱۵۳
«وَأَنَّ هٰذَا صِرَاطِي مُسْتَقِيماً فَاتَّبِعُوهُ وَلَا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ»
"اور بیشک یہی میرا سیدھا راستہ ہے، پس اسی کی پیروی کرو اور دوسرے راستوں پر نہ چلو کہ وہ تمہیں اس کے راستے سے جدا کر دیں گے۔”
سورۂ اعراف، آیت نمبر ۱۸۱ (متن میں ۱۸۶ سہو ہے، اصل ۱۸۱ ہے)
«وَمِمَّنْ خَلَقْنَا أُمَّةٌ يَهْدُونَ بِالْحَقِّ وَبِهِ يَعْدِلُونَ»
"اور جنہیں ہم نے پیدا کیا ہے، ان میں سے ایک گروہ ایسا بھی ہے جو حق کے ساتھ ہدایت کرتا ہے اور اسی کے ساتھ انصاف کرتا ہے۔”
وضاحت: سورۂ حمد (فاتحہ / ام الکتاب) کی تفسیری و تاویلی ابعاد میں صراطِ مستقیم کے حقیقی مصداق کے طور پر حضرت امیر المؤمنین (علیہ السلام) کی ذاتِ والا صفات کی طرف مستند اشارہ موجود ہے۔
سورۂ یونس، آیت نمبر ۶۲ (آیتِ اولیاء اللہ)
«أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ»
"آگاہ ہو جاؤ! بیشک اللہ کے ولیوں پر نہ کوئی خوف ہے اور نہ وہ غمگین ہوں گے۔”
سورۂ مائدہ، آیت نمبر ۵۶
«فَإِنَّ حِزْبَ اللَّهِ هُمُ الْغَالِبُونَ»
"تو بیشک اللہ ہی کا گروہ (حزب اللہ) غالب آنے والا ہے۔”
سورۂ انعام، آیت نمبر ۱۱۲
«وَكَذٰلِكَ جَعَلْنَا لِكُلِّ نَبِيٍّ عَدُوّاً شَيَاطِينَ الْإِنْسِ وَالْجِنِّ يُوحِي بَعْضُهُمْ إِلى بَعْضٍ زُخْرُفَ الْقَوْلِ غُرُوراً»
"اور اسی طرح ہم نے ہر نبی کے لیے انسانوں اور جنوں میں سے شیاطین کو دشمن بنا دیا، جو ایک دوسرے کے دل میں دھوکہ دینے کے لیے ظاہری طور پر آراستہ باتیں ڈالتے رہتے ہیں۔”
سورۂ مجادلہ، آیت نمبر ۲۲
«لَا تَجِدُ قَوْماً يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ»
"آپ کبھی ایسی قوم نہیں پائیں گے جو اللہ اور روزِ آخرت پر ایمان رکھتی ہو اور وہ ان لوگوں سے دوستی کرے جو اللہ اور اس کے رسول کی مخالفت کرتے ہیں۔”
سورۂ انعام، آیت نمبر ۸۲
«الَّذِينَ آمَنُوا وَلَمْ يَلْبِسُوا إِيمَانَهُمْ بِظُلْمٍ أُولٰئِكَ لَهُمُ الْأَمْنُ وَهُمْ مُهْتَدُونَ»
"جو لوگ ایمان لائے اور انہوں نے اپنے ایمان کو کسی ظلم (جیسے شرک) کے ساتھ آلودہ نہیں کیا، امن صرف انہی کے لیے ہے اور وہی ہدایت یافتہ ہیں۔”
سورۂ حجرات، آیت نمبر ۱۵
«إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا»
"مؤمن تو صرف وہی ہیں جو اللہ اور اس کے رسول پر ایمان لائے، پھر انہوں نے کوئی شک و شبہ نہیں کیا۔”
سورۂ حجر، آیت نمبر ۴۶
«ادْخُلُوهَا بِسَلَامٍ آمِنِينَ»
"(ان سے کہا جائے گا:) اس (جنت) میں سلامتی اور امن کے ساتھ داخل ہو جاؤ۔”
سورۂ زمر، آیت نمبر ۷۳
«حَتَّى إِذَا جَاؤُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ»
"یہاں تک کہ جب وہ اس (جنت) کے پاس پہنچیں گے اور اس کے دروازے کھول دیے جائیں گے، اور اس کے نگران ان سے کہیں گے: تم پر سلام ہو، تم پاکیزہ رہے، پس اس میں ہمیشہ رہنے کے لیے داخل ہو جاؤ۔”
سورۂ غافر، آیت نمبر ۴۰
«فَأُولٰئِكَ يَدْخُلُونَ الْجَنَّةَ يُرْزَقُونَ فِيهَا بِغَيْرِ حِسَابٍ»
"تو یہی وہ لوگ ہیں جو جنت میں داخل ہوں گے جہاں انہیں بے حساب رزق دیا جائے گا۔”
سورۂ انشقاق، آیات ۱۲ اور ۱۳
«فَسَوْفَ يَدْعُو ثُبُوراً * وَيَصْلَى سَعِيراً»
"تو وہ عنقریب موت (تباہی) کو پکارے گا، اور بھڑکتی ہوئی آگ میں داخل ہوگا۔”
سورۂ ملک، آیت نمبر ۷
«إِذَا أُلْقُوا فِيهَا سَمِعُوا لَهَا شَهِيقاً وَهِيَ تَفُورُ»
"جب وہ اس (جہنم) میں ڈالے جائیں گے، تو اس کی ہولناک آواز سنیں گے جبکہ وہ جوش مار رہی ہوگی۔”
سورۂ فرقان، آیت نمبر ۱۲
«إِذَا رَأَتْهُمْ مِنْ مَكَانٍ بَعِيدٍ سَمِعُوا لَهَا تَغَيُّظاً وَزَفِيراً»
"جب وہ آگ انہیں دور جگہ سے دیکھے گی، تو وہ اس کا غیظ و غضب اور چنگھاڑنا سنیں گے۔”
سورۂ اعراف، آیت نمبر ۳۸
«كُلَّمَا دَخَلَتْ أُمَّةٌ لَعَنَتْ أُخْتَهَا حَتَّى إِذَا ادَّارَكُوا فِيهَا جَمِيعاً»
"جب بھی کوئی امت (جہنم میں) داخل ہوگی، وہ اپنی جیسی دوسری امت پر لعنت کرے گی، یہاں تک کہ جب سب کے سب اس میں اکٹھے ہو جائیں گے۔”
سورۂ ملک، آیت نمبر ۸
«تَكَادُ تَمَيَّزُ مِنَ الْغَيْظِ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ»
"قریب ہے کہ وہ غصے سے پھٹ جائے؛ جب بھی اس میں کوئی گروہ ڈالا جائے گا، اس کے نگران ان سے پوچھیں گے: کیا تمہارے پاس کوئی ڈرانے والا نہیں آیا تھا؟”
سورۂ ملک، آیت نمبر ۱۲
«إِنَّ الَّذِينَ يَخْشَوْنَ رَبَّهُمْ بِالْغَيْبِ لَهُمْ مَغْفِرَةٌ وَأَجْرٌ كَبِيرٌ»
"بیشک جو لوگ بن دیکھے اپنے رب سے ڈرتے ہیں، ان کے لیے مغفرت اور بہت بڑا اجر ہے۔”
سورۂ اعراف، آیت نمبر ۱۸۸
«إِنْ أَنَا إِلَّا نَذِيرٌ وَبَشِيرٌ لِقَوْمٍ يُؤْمِنُونَ»
"میں تو صرف ایمان لانے والی قوم کے لیے ایک ڈرانے والا اور خوشخبری دینے والا ہوں۔”
سورۂ رعد، آیت نمبر ۷
«إِنَّمَا أَنْتَ مُنْذِرٌ وَلِكُلِّ قَوْمٍ هَادٍ»
"آپ تو صرف ڈرانے والے ہیں، اور ہر قوم کے لیے ایک رہنما (ہدایت دینے والا) ہوتا ہے۔”
سورۂ فتح، آیت نمبر ۱۰ (بیعتِ رضوان / بیعتِ غدیر کے تناظر میں)
«إِنَّ الَّذِينَ يُبَايِعُونَكَ إِنَّمَا يُبايِعُونَ اللَّهَ يَدُ اللَّهِ فَوْقَ أَيْدِيهِمْ»
"بیشک جو لوگ آپ کی بیعت کر رہے ہیں، وہ درحقیقت اللہ ہی کی بیعت کر رہے ہیں؛ اللہ کا ہاتھ ان کے ہاتھوں کے اوپر ہے۔”
سورۂ بقرہ، آیت نمبر ۱۵۸
«إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلَا جُنَاحَ عَلَيْهِ أَنْ يَطَّوَّفَ بِهِمَا وَمَنْ تَطَوَّعَ خَيْراً فَإِنَّ اللَّهَ شَاكِرٌ عَلِيمٌ»
"بیشک صفا اور مروہ اللہ کی نشانیوں (شعائر) میں سے ہیں؛ لہٰذا جو کوئی بیت اللہ کا حج یا عمرہ کرے، اس پر کوئی گناہ نہیں کہ وہ ان دونوں کے درمیان چکر لگائے؛ اور جو کوئی خوشی سے کوئی نیکی کرے، تو بیشک اللہ قدردان اور خوب جاننے والا ہے۔”
سورۂ بقرہ، آیت نمبر ۴۳
«وَأَقِيمُوا الصَّلَاةَ وَآتُوا الزَّكَاةَ وَارْكَعُوا مَعَ الرَّاكِعِينَ»
"اور نماز قائم کرو، زکوٰۃ ادا کرو اور رکوع کرنے والوں کے ساتھ رکوع کرو۔”
سورۂ حج، آیت نمبر ۴۱ (آیتِ تمکین / حکومتِ صالحین)
«الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلَاةَ وَآتُوا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ»
"(یہ) وہ لوگ ہیں جنہیں اگر ہم زمین میں اقتدار (تمکین) بخشیں، تو وہ نماز قائم کریں گے، زکوٰۃ دیں گے، نیکی کا حکم دیں گے اور برائی سے روکیں گے۔”
سورۂ زخرف، آیت نمبر ۲۸
«وَجَعَلَهَا كَلِمَةً بَاقِيَةً فِي عَقِبِهِ»
"اور وہ (توحید و امامت کو) اپنے بعد آنے والی نسلوں میں ایک باقی رہنے والا کلمہ قرار دے گیا۔”
سورۂ حج، آیت نمبر ۱
«إِنَّ زَلْزَلَةَ السَّاعَةِ شَيْءٌ عَظِيمٌ»
"بیشک قیامت کا زلزلہ ایک بہت بڑی چیز ہے۔”
سورۂ اسراء، آیت نمبر ۹۶
«قُلْ كَفَىٰ بِاللَّهِ شَهِيداً بَيْنِي وَبَيْنَكُمْ»
"آپ کہہ دیجیے: میرے اور تمہارے درمیان اللہ کا گواہ ہونا ہی کافی ہے۔”
سورۂ زمر، آیت نمبر ۴۱
«فَمَنِ اهْتَدَىٰ فَلِنَفْسِهِ وَمَنْ ضَلَّ فَإِنَّمَا يَضِلُّ عَلَيْهَا»
"پس جو کوئی ہدایت پا گیا، وہ اپنے ہی بھلے کے لیے ہدایت پا گیا، اور جو گمراہ ہوا، وہ اپنی ہی جان کے نقصان کے لیے گمراہ ہوا۔”
سورۂ بقرہ، آیت نمبر ۲۸۵ (فرازِ آمن الرسول)
«وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ»
"اور انہوں نے کہا: ہم نے سنا اور اطاعت کی؛ اے ہمارے رب! ہم تیری بخشش کے طلبگار ہیں اور (ہم سب کو) تیری ہی طرف پلٹنا ہے۔”
سورۂ اعراف، آیت نمبر ۴۳
«الْحَمْدُ لِلَّهِ الَّذِي هَدَانَا لِهٰذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ»
"تمام تعریفیں اسی اللہ کے لیے ہیں جس نے ہمیں اس (منزل) کی ہدایت فرمائی، اور اگر اللہ ہمیں ہدایت نہ فرماتا، تو ہم کبھی ہدایت نہ پا سکتے تھے۔”
سورۂ احزاب، آیت نمبر ۷۱
«وَمَنْ يُطِعِ اللَّهَ وَرَسُولَهُ فَقَدْ فازَ فَوْزاً عَظِيماً»
"اور جو کوئی اللہ اور اس کے رسول کی اطاعت کرے گا، وہ یقیناً بہت بڑی کامیابی حاصل کر لے گا۔”
سورۂ توبہ، آیات ۲۰ اور ۲۱
«الَّذِينَ آمَنُوا وَهَاجَرُوا وَجَاهَدُوا فِي سَبِيلِ اللَّهِ بِأَمْوَالِهِمْ وَأَنْفُسِهِمْ أَعْظَمُ دَرَجَةً عِنْدَ اللَّهِ وَأُولٰئِكَ هُمُ الْفَائِزُونَ * يُبَشِّرُهُمْ رَبُّهُمْ بِرَحْمَةٍ مِنْهُ وَرِضْوَانٍ وَجَنَّاتٍ فِيهَا نَعِيمٌ مُقِيمٌ»"جولوگ ایمان لائے، انہوں نے ہجرت کی اور اللہ کی راہ میں اپنے مالوں اور اپنی جانوں سے جہاد کیا، اللہ کے نزدیک ان کا درجہ بہت بڑا ہے؛ اور یہی لوگ کامیاب ہونے والے ہیں۔ ان کا رب انہیں اپنی طرف سے رحمت، خوشنودی اور ایسے باغات کی خوشخبری دیتا ہے جن میں ان کے لیے دائمی نعمتیں ہیں۔”
سورۂ ابراہیم، آیت نمبر ۸
«إِنْ تَكْفُرُوا أَنْتُمْ وَمَنْ فِي الْأَرْضِ جَمِيعاً فَإِنَّ اللَّهَ لَغَنِيٌّ حَمِيدٌ»"اگر تم اور زمین میں رہنے والے سب کے سب کفر اختیار کر لیں، تو (اللہ کا کچھ نہیں بگڑتا) بیشک اللہ بے نیاز اور سزاوارِ حمد ہے۔”
سورۂ آلِ عمران، آیت نمبر ۱۴۴ (آخری فراز)
«وَمَنْ يَنْقَلِبْ عَلى عَقِبَيْهِ فَلَنْ يَضُرَّ اللَّهَ شَيْئاً»
"اور جو کوئی الٹے پاؤں پلٹ جائے گا، وہ اللہ کو ہرگز کوئی نقصان نہیں پہنچا سکے گا۔”
