ایمرجنسی انخلاء یونٹ کے انچارج، خادم عبد اللہ علی نے نیوز سینٹر سے گفتگو کرتے ہوئے بتایا کہ فیلڈ ٹیمیں ہجوم کی وجہ سے دم گھٹنے، شدید گرمی سے متاثر ہونے اور دیگر ہنگامی طبی حالات سے فوری طور پر نمٹتی ہیں۔ ضرورت پڑنے پر مریضوں کو ایمبولینس، وہیل چیئر اور طبی اسٹریچر کے ذریعے مرکزِ رسولِ اعظمؐ میڈیکل سینٹر منتقل کیا جاتا ہے، تاکہ بروقت علاج ممکن بنایا جا سکے اور زائرین کی حفاظت یقینی رہے۔
انہوں نے مزید بتایا کہ مرکزِ رسولِ اعظمؐ میڈیکل سینٹر نے اربعین کے موقع پر پانچ طبی مراکز بھی قائم کیے ہیں، جہاں ڈاکٹرز، نرسنگ اسٹاف اور خدماتی عملہ چوبیس گھنٹے موجود رہتا ہے۔ یہ مراکز ضروری طبی آلات اور ادویات سے مکمل طور پر لیس ہیں اور زائرین کو فوری طبی سہولیات فراہم کر رہے ہیں۔
یہ طبی مراکز دار الشفاء، بابِ شیخ طوسی کی توسیع، صحنِ سیدہ فاطمہ زہرا (سلام اللہ علیہا)، عارضۃ الحمامی کے قریب المجمع العلوی، اور شہرِ امام رضا (علیہ السلام) میں قائم کیے گئے ہیں، جہاں مرد و خواتین دونوں کے لیے علیحدہ طبی وارڈز کا انتظام کیا گیا ہے۔
