کارخانے کے ذمہ دار، خادم عبد اللہ یحییٰ نے نیوز سینٹر سے گفتگو کرتے ہوئے کہا:
"اربعین کے لیے تیار کیے گئے منصوبے کے تحت کارخانے کی پیداواری صلاحیت میں اضافہ کر دیا گیا ہے، تاکہ زائرین کی خدمت کرنے والے حسینی مواکب کی ضروریات پوری کی جا سکیں۔”
انہوں نے مزید بتایا:
"کارخانہ روزانہ ایک لاکھ ۳۰ ہزار سے زائد صمون (بن) تیار کر رہا ہے، جس کے لیے تقریباً ۶ ٹن آٹا استعمال ہوتا ہے۔ یہ تمام پیداوار حرم مقدس اميرالمومنين عليہ السلام کے مواکب کے علاوہ دیگر حسینی مواکب کو بھی فراہم کی جاتی ہے، تاکہ زائرین کے لیے کھانے کی فراہمی میں مدد مل سکے۔”
عبد اللہ یحییٰ نے کہا:
"کارخانے میں جدید پیداواری مشینیں اور جدید اوون نصب ہیں، جن کی بدولت بڑی مقدار میں اعلیٰ معیار کا صمون تیار کیا جا رہا ہے، جو اربعین کے جامع خدماتی منصوبے کا اہم حصہ ہے۔”
یہ تمام اقدامات حرم مقدس اميرالمومنين عليہ السلام کی اس وسیع خدماتی مہم کا حصہ ہیں، جس کے تحت لاکھوں زائرینِ اربعین کو ہر ممکن سہولت اور بہترین خدمات فراہم کی جا رہی ہیں۔
