حرم مقدس امیرالمؤمنینؑ نے نجف اشرف کے ممتاز عالم دین حجتالاسلام سید محمدعلی بحرالعلوم کی رحلت پر افسوس کا اظہار کرتے ہوئے ایک تعزیتی بیان جاری کیا ہے، مرحوم کی وفات، رسول اکرمؐ کے یومِ شہادت کے دن واقع ہوئی۔
نجف اشرف کی معروف علمی شخصیت اور فقیہ برجستہ، حجتالاسلام و المسلمین سید محمدعلی بحرالعلوم قدس سره کی رحلت کے موقع پر، جو کہ رسول اکرم صلیاللهعلیهوآله کے یوم شہادت پر پیش آئی، حرم مقدس امیرالمؤمنینؑ کی مرکزی کمیٹی نے ایک تعزیتی پیغام جاری کیا ہے۔
تعزیتی پیغام کا مکمل متن درج ذیل ہے
بسم اللہ الرحمٰن الرحیم
زمین پر جو کچھ بھی ہے فنا ہونے والا ہے، صرف تمہارے پروردگار کی ذات جو جلال و بزرگی والی ہے باقی رہنے والی ہے۔
ہم اللہ کی قضا و قدر پر ایمان رکھنے والے دلوں کے ساتھ، گہرے رنج و غم کے عالم میں، حوزہ علمیہ نجف اشرف کے ممتاز فقیہ، حجتالاسلام و المسلمین سید محمدعلی بحرالعلوم قدس سره کی رحلت پر سوگوار ہیں، جنہوں نے یومِ شہادتِ رسول اکرم صلیاللهعلیهوآله کو اپنے رب کا لبیک کہا۔
حرم مقدس امیرالمؤمنینؑ ، اس عظیم مصیبت پر مرحوم کے خانوادے، علمی حوزات، اور تمام مؤمنین و مؤمنات کے ساتھ دلی تعزیت و ہمدردی کا اظہار کرتا ہے۔
ہم اللہ سبحانہ و تعالیٰ سے دعا گو ہیں کہ مرحوم کو اپنی وسیع رحمت میں جگہ عطا فرمائے اور ان کے اہل خانہ، عزیزوں اور چاہنے والوں کو صبر جمیل عنایت کرے۔ بیشک وہ سننے والا اور دعا قبول کرنے والا ہے۔
إِنَّا لِلّهِ وَإِنَّـا إِلَيْهِ رَاجِعونَ
, سید محمدعلی بحرالعلوم, رحلت فقیہ نجف, حجتالاسلام بحرالعلوم, پیام تسلیت , یوم شہادت رسول, حوزہ علمیہ نجف, علمائے نجف کی رحلت, علوی سیکریٹریٹ بیان, تعزیتی پیغام آستان
