حرم مقدس امیرالمؤمنین علیہالسلام نے صیہونی-امریکی حملوں کے نتیجے میں شہداء اور زخمیوں کے اہل خانہ کی دیکھ بھال کے اپنے جاری انسانی پروگرام کے تحت، بغداد صوبے کا ایک میدانی دورہ کیا، جس کی قیادت حرم مقدس کی مجلس نظما کے رکن خادم مصطفیٰ منیٰ نے کی، تاکہ ان کی عظیم قربانیوں کو خراج تحسین پیش کیا جا سکے۔
اس اقدام میں 24 شہیدوں اور 84 زخمیوں کے اہل خانہ کی کی خدمت میں حاضری دی گئی، جو ان کی قربانیوں کے لیے وفا اور قدردانی کا اظہار ہے، اس پروگرام میں زخمیوں کے لیے نفسیاتی مدد اور جلد صحت یابی کے لیے دعا اور شہداء کے لیے رحمت و مغفرت کی دعا شامل تھی۔
دینی تبلیغ کے شعبے کے سربراہ شیخ ہانی الکنانی نے نیوز سینٹر کو بتایا کہ ہمیں شہداء اور زخمیوں کے اہل خانہ سے ملاقات کا اعزاز حاصل ہوا تاکہ وطن، مقدسات اور عزت کے دفاع میں ان کے موقف اور قربانیوں کو خراج تحسین پیش کیا جا سکے۔
انہوں نے اس بات پر زور دیا کہ حرم مقدس امیرالمؤمنین علیہالسلام کی طرف سے کیا جانے والا یہ اقدام ان کے عظیم حق کا ایک بہت چھوٹا سا حصہ ہے، اور یہ ایک انسانی اور اخلاقی پیغام وفا ہے۔
یہ اقدام عراق کے مختلف صوبوں میں شہداء کے اہل خانہ کے ساتھ براہ راست رابطے کے حرم مقدس امیرالمؤمنین علیہالسلام کے پروگرام کی تکمیل کے لیے کیا گیا ہے، تاکہ وفا کی اقدار کو مستحکم کیا جا سکے، قربانیوں کی قدر کی جا سکے، اور شہداء کے اہل خانہ کے ساتھ روابط کو مضبوط بنایا جا سکے۔
