حرم مقدس امیرالمؤمنین علیہالسلام کی انجینئرنگ اور فنی ٹیموں کی نگرانی میں نجف اشرف کے قدیم شہر میں الرسول اور شیخ الطوسی ٹنلز کے داخلی راستوں پر کام تیز رفتاری سے جاری ہے، جو زیارت کے نظام اور شہری آمدورفت کو بہتر بنانے کے جاری منصوبوں کا حصہ ہے۔
انجینئرنگ ڈیپارٹمنٹ سے وابستہ انجینئر علی حافظی نے بتایا کہ دونوں ٹنلز پر کام تیزی سے جاری ہے اور یہ منصوبہ 65 فیصد سے زیادہ مکمل ہو چکا ہے۔
ان کے مطابق اس منصوبے میں سڑکوں پر انٹر لاکنگ پیورز کی تنصیب اور الرسول ٹنل کی چھت پر سیکیورٹی فینسنگ لگانا شامل ہے، جبکہ اسی نوعیت کا کام شیخ الطوسی ٹنل میں بھی جاری ہے۔
انہوں نے مزید کہا کہ انفراسٹرکچر نیٹ ورکس کو وسعت دینے کا کام بھی جاری ہے، جبکہ دونوں ٹنلز کے داخلی و خارجی راستوں کی تیاری اور اطراف کی سڑکوں کو ہموار کرنے کا عمل بھی جاری ہے،اس کا مقصد زائرین کے لیے سہولت اور خاص طور پر زیارت کے اوقات میں سیکیورٹی اور سہولت کو یقینی بنانا ہے۔
قدیم شہر کے متعدد دکانداروں نے حرم مقدس امیرالمؤمنین علیہالسلام کی ان کوششوں کو سراہتے ہوئے کہا ہے کہ ان منصوبوں کی بدولت ٹریفک اور پیدل آمدورفت میں واضح بہتری آئی ہے اور شہری انفراسٹرکچر بھی بہتر ہوا ہے۔
یہ منصوبے حرم مقدس امیرالمؤمنین علیہالسلام کے اس وژن کا حصہ ہیں جس کا مقصد نجف اشرف میں انفراسٹرکچر کو جدید خطوط پر استوار کرنا ہے تاکہ عراق اور بیرون ملک سے آنے والے لاکھوں زائرین کی سہولت کو یقینی بنایا جا سکے۔
