اس نشست کا مقصد باہمی تعاون اور ہم آہنگی کے طریقوں کا جائزہ لینا، مختلف اداروں کے نقطۂ نظر میں یکسانیت پیدا کرنا اور حوزۂ علمیہ نجف اشرف کے ہزار سال مکمل ہونے کی مناسبت سے منعقد ہونے والے پروگراموں اور سرگرمیوں کو منظم کرنے کے لیے ایک جامع لائحۂ عمل تیار کرنا تھا۔ یہ تاریخی مناسبت شیخ طوسی قدس سرہ کی نجف اشرف آمد کے ایک ہزار سال مکمل ہونے سے متعلق ہے۔
حرم مطہر امیرالمومنین علیہالسلام کے شعبۂ میڈیا کے سربراہ حیدر رحیم نےخبررساں مرکز سے گفتگو کرتے ہوئے کہا:
دوسری نشست حرم مطہر امیرالمومنین علیہالسلام کے جوار میں منعقد ہوئی، جس میں اس منصوبے پر عمل درآمد کے لیے ضروری انتظامات کا جائزہ لیا گیا۔ اس کے علاوہ، عراق کے مقدس حرموں سے وابستہ متعلقہ اداروں کے ساتھ رابطے اور باہمی ہم آہنگی بڑھانے کے طریقوں پر بھی تبادلۂ خیال کیا گیا۔
انہوں نے بتایا:
آئندہ مرحلے میں فکری، علمی، فنی اور میڈیا کے شعبوں سے متعلق خصوصی نشستیں منعقد کی جائیں گی۔ ان کا مقصد مختلف اداروں کے نقطۂ نظر میں ہم آہنگی پیدا کرنا اور اس تاریخی مناسبت کو منانے کے لیے مشترکہ تعاون کو مضبوط بنانا ہے۔
حیدر رحیم نے مزید کہا:
حرم مطہر امیرالمومنین علیہالسلام مسلسل نشستوں اور خصوصی ورکشاپس کے ذریعے دستیاب وسائل کو بروئے کار لانے اور متعلقہ افراد و شعبوں کی صلاحیتوں کو بہتر بنانے کے لیے کام کر رہا ہے۔ ان نشستوں اور ورکشاپس میں انتظامی، فنی اور میڈیا ٹیموں کے درمیان تعاون کے طریقوں کا جائزہ لیا جاتا ہے، تاکہ ایسے پروگرام منعقد کیے جا سکیں جو نجف اشرف اور حوزۂ علمیہ کے تاریخی و علمی مقام کے شایانِ شان ہوں۔
انہوں نے مزید وضاحت کی:
مختلف ٹیموں کے درمیان ذمہ داریوں کی تقسیم اور باہمی ہم آہنگی کے لیے کام جاری ہے، تاکہ تمام تیاریاں منظم انداز میں آگے بڑھیں اور دستیاب وسائل کو اس منصوبے کے مقاصد کے حصول کے لیے مؤثر طور پر استعمال کیا جا سکے۔
انہوں نے کہا:
ان نشستوں کا ایک اہم مقصد حوزۂ علمیہ نجف اشرف کے ہزار سالہ جشن سے متعلق اہم پروگراموں اور تقریبات کو منظم کرنے کے لیے ایک مرکزی لائحۂ عمل تیار کرنا اور مختلف اداروں کی کوششوں و نقطۂ نظر میں ہم آہنگی پیدا کرنا ہے۔
انہوں نے مزید کہا:
شریک اداروں کے درمیان رابطوں، میڈیا معاونت، فنی امور اور ضروری سازوسامان کی فراہمی میں ہم آہنگی پیدا کرنا بھی اس منصوبے کے اہم پہلوؤں میں شامل ہے۔
ان کے مطابق، اس لائحۂ عمل کے ذریعے پروگراموں کے انتظام اور ذمہ داریوں کی تقسیم کے لیے ایک مشترکہ طریقۂ کار وضع کیا جائے گا۔ اس سے منصوبے کے مختلف مراحل میں مقدس حرموں کے درمیان تعاون مزید مضبوط ہوگا۔
حرم مطہر کاظمین کے متولی کے معاون علی عبدالحسین السقا نے اس نشست میں شرکت پر خوشی کا اظہار کرتے ہوئے کہا:
یہ نشست اس سلسلے کی دوسری کڑی ہے، جس میں حوزۂ علمیہ نجف کے ہزار سالہ جشن سے متعلق اہم موضوعات، پروگراموں اور سرگرمیوں کا جائزہ لیا جا رہا ہے۔ یہ سلسلہ آئندہ بھی جاری رہے گا۔
