یہ وفود حرم مقدس امیرالمومنین علیہالسلام کی سرپرستی میں منعقدہ ’’حوزۂ علمیہ کی ہزار سالہ تاریخ‘‘ کی تقریب میں شرکت کریں گے۔
حرم مقدس امیرالمومنین علیہالسلام کے شعبۂ امورِ دینیہ، شعبۂ تعلقاتِ عامہ اور تقریب کی انتظامی کمیٹی کے نمائندوں نے وفود کا رسمی استقبال کیا۔ یہ استقبال اس اہم موقع کی معنویت اور صدیوں پر محیط نجف اشرف کی علمی و فکری میراث کی عکاسی کرتا ہے۔
تقریب کی انتظامی کمیٹی نے اس سے قبل تقریب کے انعقاد کے لیے انتظامی اور ابلاغی تیاریاں مکمل ہونے کا اعلان کیا تھا۔ اس تقریب میں نجف اشرف کے حوزۂ علمیہ کی ہزار سالہ علمی و فکری خدمات اور اس کے گراں قدر علمی ورثے کو دستاویزی شکل دی جائے گی۔
