زائرات کی آمد و رفت کا انتظام اور میدانی خدمات
شعبۂ امورِ نسواں کی ذمہ دار خادمہ رملہ الخزاعی نے بتایا کہ شعبے نے عراق کے مختلف صوبوں سے تعلق رکھنے والی ۱۵۰۰ سے زائد خادمات اور متشرفات بالخدمت کو سکیورٹی اور خدماتی امور میں مامور کیا ہے۔
انہوں نے بتایا کہ منصوبے کے تحت زائرات کی آمد و رفت کو منظم کرنے کے لیے اضافی راستے کھولے گئے، خدماتی مقامات تیار کیے گئے اور میدانی سرگرمیوں کی نگرانی کے لیے فالو اَپ اور اعداد و شمار مرتب کرنے والی ٹیمیں بھی تعینات کی گئی ہیں، تاکہ ایامِ زیارت کے دوران نقل و حرکت میں روانی برقرار رہے۔
استفتائی مراکز اور خاندانی رہنمائی
آگاہی و رہنمائی کے شعبے میں دینی استفتاءات اور خاندانی رہنمائی یونٹ اپنی خدمات چھ استفتائی و رہنمائی مراکز کے ذریعے جاری رکھے ہوئے ہے، جہاں زائرات کے شرعی، خاندانی اور تربیتی سوالات کے جوابات فراہم کیے جا رہے ہیں۔
یونٹ کی ذمہ دار خادمہ سندس رضا نے بتایا کہ یہ مراکز ایامِ زیارت کے دوران زائرات کے استفسارات وصول کرتے رہتے ہیں۔ اس کے علاوہ شعبے کی جانب سے سیرتِ نبوی (صلی اللہ علیہ وآلہ وسلم) کی یاد میں ایک مجلسِ عزاء بھی منعقد کی گئی، جو زیارت کے ضمن میں جاری آگاہی پروگراموں کا حصہ ہے۔
زائرات کے لیے قرآنی خدمات
اسی دوران خواتین کا دارالقرآنِ کریم بھی مختلف مقامات پر قائم اپنے قرآنی مراکز کے ذریعے تعلیمی خدمات جاری رکھے ہوئے ہے۔ ان مراکز میں سورۂ فاتحہ اور قصارِ سُوَر کی درست قراءت کی اصلاح، بنیادی احکامِ قرآن کی تعلیم اور زائرات کی حوصلہ افزائی کے لیے تبرکی تحائف کی تقسیم شامل ہے، جس کا مقصد خواتین زائرین میں قرآنی ثقافت کو فروغ دینا ہے۔
یہ تمام اقدامات حرم مقدس اميرالمومنين (عليہالسلام) کے مختلف نسوانی شعبوں اور یونٹس کی جانب سے مرتب کیے گئے متحدہ خدماتی منصوبے کا حصہ ہیں، جس کے تحت خواتین زائرین کو انتظامی، آگاہی، دینی اور قرآنی خدمات فراہم کی جا رہی ہیں اور اس عظیم مذہبی مناسبت کو اس کے روحانی و دینی مقام کے شایانِ شان منایا جا رہا ہے۔
