وحدۂ روابطِ ابلاغ کے ذمہ دار خادم فرقد محمد نے مرکزِ خبر سے گفتگو کرتے ہوئے بتایا:
’’وحدے نے عراق کے مختلف علاقوں اور بیرونِ ملک سے آنے والے میڈیا اداروں اور ابلاغی کارکنان کا استقبال شروع کر دیا ہے۔ ان میں ٹی وی چینلز، خبر رساں ادارے، مواد تخلیق کرنے والے افراد اور فوٹوگرافرز شامل ہیں، جو اس مناسبت سے نجف اشرف میں جاری عظیم الشان زیارت کی سرگرمیوں کی کوریج کر رہے ہیں۔‘‘
میڈیا نمائندوں کے لیے خصوصی سہولیات
انہوں نے بتایا کہ صحنِ علوی کے اطراف میڈیا ٹیموں کے لیے مخصوص مقامات مختص کیے گئے ہیں، تاکہ انہیں تقریبات کی عکس بندی اور براہِ راست نشریات میں آسانی ہو۔ میڈیا کارکنان کے لیے قیام کی جگہ، کھانے اور انٹرنیٹ سمیت دیگر ضروری سہولیات بھی فراہم کی گئی ہیں، تاکہ وہ ایامِ زیارت کے دوران اپنی ذمہ داریاں بہتر انداز میں انجام دے سکیں۔
اس کے ساتھ میڈیا اداروں کو اس مناسبت سے متعلق خبری مواد، تصاویر اور ویڈیوز بھی فراہم کیے جا رہے ہیں، تاکہ وہ شہادتِ رسولِ اکرم (صلی اللہ علیہ وآلہ وسلم) کی مناسبت سے منعقد ہونے والی سرگرمیوں کی جامع کوریج پیش کر سکیں۔
صحافیوں کی آمد و رفت میں سہولت
فرقد محمد نے مزید کہا کہ صحافیوں اور میڈیا نمائندوں کی آمد و رفت کو منظم بنانے کے لیے انہیں شناختی بیجز فراہم کیے گئے ہیں، جن کی مدد سے وہ صحنِ مطہر کے اطراف موجود سکیورٹی چیک پوسٹوں اور حفاظتی رکاوٹوں سے آسانی کے ساتھ گزر سکیں گے۔
یہ تمام اقدامات حرم مقدس اميرالمومنين (عليہالسلام) کی جانب سے میڈیا اداروں کی معاونت اور ان کے کام کو آسان بنانے کے لیے کیے گئے ہیں، تاکہ رسولِ اکرم حضرت محمد (صلی اللہ علیہ وآلہ وسلم) کی شہادت کی مناسبت سے منعقدہ مراسم اور نجف اشرف میں آنے والے بڑی تعداد میں زائرین کے استقبال کے لیے جاری تیاریوں کو مؤثر انداز میں دنیا تک پہنچایا جا سکے۔
