اربعینِ امام حسین (علیہ السلام) کے موقع پر حرم مقدس اميرالمومنين عليہ السلام کے شعبۂ اطلاعات نے ایک منظم میڈیا پلان کے تحت زیارت کے تمام اہم مراحل اور زائرین کے لیے فراہم کی جانے والی خدمات کی مسلسل کوریج کی۔
شعبۂ اطلاعات کے سربراہ خادم حیدر رحیم نے بتایا کہ میڈیا ٹیمیں دن رات مختلف مقامات پر موجود رہیں اور نقل و حمل، رہائش، ضیافت، طبی امداد، سکیورٹی، قرآنی و دینی سرگرمیوں اور دیگر خدمات کو تصویروں، ویڈیوز، خبروں اور خصوصی رپورٹس کے ذریعے عوام تک پہنچاتی رہیں۔
انہوں نے کہا کہ اس سال کوریج کا دائرہ نجف سے آگے مختلف زیارتی راستوں تک بڑھایا گیا، جبکہ ٹی وی چینلز، خبر رساں اداروں، صحافیوں اور بین الاقوامی میڈیا نمائندوں کو بھی ضروری سہولیات فراہم کی گئیں، تاکہ اربعین کی تقریبات اور زائرین کی خدمت کی سرگرمیوں کو وسیع پیمانے پر نشر کیا جا سکے۔
انہوں نے مزید کہا کہ اس جامع میڈیا مہم کا مقصد دنیا کو یہ دکھانا تھا کہ حرم مقدس اميرالمومنين عليہ السلام اربعین کے دوران لاکھوں زائرین کی خدمت کے لیے کس طرح ہمہ وقت اور منظم انداز میں اپنی ذمہ داریاں انجام دیتا ہے۔
