سب سے زیادہ تلاش کیا گیا:

امیرالمومنین علیہ‌السلام اور علم غیب

وه ’’علم الکتاب‘‘ کا حامل ہے

اللہ تعالیٰ سورہ انعام کی آیت ۵۹ میں ارشاد فرماتا ہے: «وَ عِنْدَهُ مَفاتِحُ الْغَيْبِ لا يَعْلَمُها إِلاَّ هُوَ» اور غیب کی کنجیاں اسی کے پاس ہیں، انہیں اس کے سوا کوئی نہیں جانتا۔

سورہ انعام آیت نمبر ۵۹: امیرالمومنین علیہ‌السلام اور علم غیب

اللہ تعالیٰ سورہ انعام کی آیت ۵۹ میں ارشاد فرماتا ہے:

«وَ عِنْدَهُ مَفاتِحُ الْغَيْبِ لا يَعْلَمُها إِلاَّ هُوَ وَ يَعْلَمُ ما فِي الْبَرِّ وَ الْبَحْرِ وَ ما تَسْقُطُ مِنْ وَرَقَةٍ إِلاَّ يَعْلَمُها وَ لا حَبَّةٍ في ظُلُماتِ الْأَرْضِ وَ لا رَطْبٍ وَ لا يابِسٍ إِلاَّ في كِتابٍ مُبينٍ»

اور غیب کی کنجیاں اسی کے پاس ہیں، انہیں اس کے سوا کوئی نہیں جانتا۔ وہ جو کچھ خشکی اور سمندر میں (ہو رہا) ہے جانتا ہے۔ کوئی پتّا (درخت سے) نہیں گرتا مگر یہ کہ وہ اس (کے گرنے) کو جانتا ہے۔ اور نہ زمین کی تاریکیوں میں کوئی دانہ ہے، اور نہ کوئی تر چیز ہے اور نہ خشک، مگر یہ کہ (یہ سب) ایک واضح کتاب (لوحِ محفوظ) میں (درج) ہے۔

امام جعفر صادق علیہ‌السلام فرماتے ہیں  :

اللہ تعالیٰ نے حضرت موسیٰ علیہ‌السلام  سے فرمایا: اور ہم نے الواح  میں ہر موضوع سے متعلق کچھ نصیحت لکھ دی۔ (سورہ اعراف: ۱۴۵) لیکن یہ نہیں فرمایا ہر موضوع سے متعلق سب کچھ لکھ دیا۔

حضرت عیسیٰ علیہ‌السلام کے بارے میں فرمایا: تاکہ میں تمہارے بعض اختلافات تمہیں بتا دوں۔ (سورہ زخرف: ۶۳)

لیکن امیر‌المومنین علی علیہ‌السلام کے بارے میں فرمایا: اور وہ، وہ شخص ہے جس کے پاس کتاب (قرآن) کا علم ہے۔ (سورہ رعد: ۴۳)

نیز فرمایا: اور ہر خشک و تر ایک واضح کتاب میں (درج) ہے۔ پس ہر تر و خشک کا علم امیر‌المومنین علی علیہ‌السلام کے پاس ہے۔[۱]

امیر‌المومنین علی علیہ‌السلام نے فرمایا:

یہ آیہ کریمہ جس میں خدا فرماتا ہے: (اے پیغمبر! کافروں سے) کہہ دیجیے: میں اور تمہارے درمیان گواہی کے لیے اللہ کافی ہے اور وہ شخص بھی جس کے پاس کتاب (قرآن) کا علم ہے۔ (سورہ رعد: ۴۳)

نیز اللہ فرماتا ہے: اور نہ کوئی تر چیز ہے اور نہ خشک مگر یہ کہ ایک واضح کتاب میں (درج) ہے۔

اے عبداللہ! اس کتاب کا علم بلاشبہ اور بے شک میرے (یعنی علی علیہ‌السلام) کے پاس ہے جو مالک وہاب کی طرف سے ہے۔

یہاں مراد یہ ہے کہ امیر‌المومنین علی علیہ‌السلام رسول اللہ صلی‌اللہ‌علیہ‌وآلہ کی رسالت کی سچائی پر گواہ ہیں۔[۲]

امام موسیٰ کاظم علیہ‌السلام نے فرمایا:

کِتابٍ مُبِینٍ (واضح کتاب) سے مراد امیر‌المومنین علی علیہ‌السلام ہیں۔[۳]

مآخذ
[۱] تفسیر اهل‌بیت (علیهم‌السلام ) ج۴، ص۴۱۰ الصراط المستقیم، ج۱، ص۲۱۱
[۲] تفسیر اهل‌بیت (علیهم‌السلام ) ج۴، ص۴۱۰ بحار الانوار، ج۳۵، ص۴۲۹/ الاحتجاج، ج۲، ص۳۷۵
[۳] تفسیر اهل‌بیت (علیهم‌السلام ) ج۴، ص۴۱۰ الکافی، ج۱، ص۴۷۹

مزید مواد

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے