حرم مقدس امیرالمؤمنین علیہالسلام نے اعلان کیا ہے کہ رہائشی منصوبہ قنبر 2 کا پہلا مرحلہ 90 فیصد سے زائد مکمل ہو چکا ہے اور بہت جلد افتتاح کے قریب ہے،یہ منصوبہ خادمین حرم کے لیے 500 رہائشی یونٹس پر مشتمل ہے جہاں تمام بنیادی سہولتوں کی فراہمی کو بھی یقینی بنایا جا رہا ہے۔
شعبہ انجینئرنگ اور شہری تیکنیکی امور کے نائب سربراہ انجینئر علی حسین نے بتایا کہ 500 گھروں کی تعمیر مکمل ہو چکی ہے۔
فی الحال سیوریج، پینے کے پانی اور بجلی کا کام جاری ہے، پانی کے ذخائر اور فیلٹر نظام کی تنصیب بھی مکمل ہونے والی ہے، انہوں نے مزید کہا کہ مرحلہ دوم بھی ساتھ ہی شروع کر دیا گیا ہے، جس میں مزید 500 مکانات شامل ہیں ، یہ بھی 40 فیصد مکمل ہو چکا ہے۔
پروجیکٹ ڈائریکٹر انجینئر سعد جبوری کے مطابق اگلے مرحلے میں توجہ سیوریج، پانی، بجلی اور اسٹوریج ٹینکس پر ہے۔
پینے کے پانی کے لیے 3 بڑے کنویں کھودے جا رہے ہیں، کمپلیکس کے لیے ایک جدید واٹر ٹریٹمنٹ سسٹم نصب کیا جا رہا ہے، انہوں نے کہا کہ تمام سرگرمیاں ایک منظم منصوبے کے مطابق جاری ہیں تاکہ مکینوں کو بہترین سہولیات فراہم کی جا سکیں۔
قنبر 2 رہائشی منصوبہ خادمین حرم مقدس امیرالمؤمنین علیہالسلام کو معیاری رہائش فراہم کرنے کے لیے ترتیب دیا گیا ہے، اس منصوبے کے ذریعے نہ صرف رہائشی سہولت بلکہ مکمل بنیادی خدمات فراہم کی جائیں گی تاکہ خادمین اور ان کے اہلِ خانہ پرسکون اور محفوظ ماحول میں زندگی بسر کر سکیں۔
