حرم مقدس امیرالمؤمنین علیہالسلام کے مرکز طبی رسول اعظم صلیاللہعلیہوآلہ نے عیدالضحیٰ کے موقع پر زائرین کے لیے جامع طبی منصوبہ تیار کیا ہے کہ جس کے تحت طبی مراکز، ایمبولینسیں، ادویات اور طبی عملہ زائرین کی خدمت کے لیے مکمل طور پر تیار ہیں۔
مرکز طبی رسول اعظم صلیاللہعلیہوآلہ ، جو حرم مقدس امیرالمؤمنین علیہالسلام سے وابستہ ہے، نے اعلان کیا ہے کہ عیدالضحیٰ کے ایام میں حرم مقدس کی زیارت کے لیے آنے والے زائرین کو علاج معالجہ اور طبی امداد فراہم کرنے کے لیے ایک جامع طبی منصوبہ تیار کیا گیا ہے۔
مرکز کے سربراہ ڈاکٹر جواد الاسماعیلی نے نیوز سینٹر سے گفتگو کرتے ہوئے کہا کہ عیدالضحیٰ کے لیے تیار کردہ اس خصوصی منصوبے کے تحت زائرین کی خدمت کے لیے دو طبی مراکز قائم کیے گئے ہیں۔
پہلا مرکز دارالشفا میں جبکہ دوسرا امام رضا علیہالسلام سٹی میں قائم کیا گیا ہے، جو حرم مقدس کے اطراف بائی پاس پر آنے والے زائرین کی خدمت انجام دے گا۔
ان مراکز کو ادویات، طبی آلات اور ضروری سامان سے مکمل طور پر آراستہ کیا گیا ہے، جبکہ ماہر ڈاکٹروں اور نرسنگ عملے کو بھی وہاں تعینات کیا گیا ہے۔
انہوں نے مزید کہا کہ مرکز قنبر برائے رضاکار خدام نے اس منصوبے کے لیے ۱۲۵ مرد اور ۱۰۰ خواتین خدمت گزاروں کی خدمات حاصل کی ہیں تاکہ وہ حرم مقدس علوی اور اس کے اطراف میں ابتدائی طبی امداد اور امدادی خدمات فراہم کر سکیں۔
انہوں نے بتایا کہ حرم مقدس کے صحن کے اطراف پانچ چھوٹی ایمبولینسیں تعینات کی گئی ہیں، جبکہ کئی بڑی ایمبولینسیں نجف اشرف کے قدیم علاقے میں موجود ہیں تاکہ ہنگامی مریضوں کو شعبۂ نقل و حمل کے تعاون اور ہم آہنگی سے فوری طور پر سرکاری اسپتالوں تک منتقل کیا جا سکے۔
قابل ذکر ہے کہ حرم مقدس امیرالمؤمنین علیہالسلام دینی مناسبتوں اور میلیونی زیارتوں کے دوران زائرین کرام کے لیے مناسب طبی، رفاہی اور خدماتی سہولیات فراہم کرنے کی اپنی وسیع کوششوں کو مسلسل جاری رکھے ہوئے ہے۔
