حرم مقدس امیرالمؤمنین علیہالسلام میں مرجع عالی قدر سید علی سیستانی کی ہدایات کے مطابق لبنان اور ایران کے متاثرہ عوام کی مدد کے لیے عطیات کی وصولی جاری ہے۔ عطیات نقدی اور اشیاء کی صورت میں وصول کیے جا رہے ہیں اور 24 گھنٹے باقاعدہ رسیدیں جاری کی جاتی ہیں۔
حرم مقدس امیرالمؤمنین علیہالسلام کے مالی امور کے شعبہ کی تحائف و نذور کے شعبہ نے اعلان کیا ہے کہ لبنان اور ایران کے عوام کی مدد کے لیے عطیات کی وصولی جاری ہے، جو عید الفطر المبارک کے دوسرے دن سے شروع ہوئی تھی، تاکہ موجودہ حالات کی وجہ سے متاثر ہونے والے افراد کی مشکلات میں کمی لائی جا سکے۔
شعبة کے ذمہ دار، خادم فاتح الکرمانی، نے میڈیا سینٹر کو بتایا کی مرجع عالی قدر سید علی سیستانی دام ظلہ ہدایات جن میں لبنان اور ایران کے عوام کی مدد اور ان کے ساتھ کھڑے ہونے کی ضرورت پر زور دیا گیا ہے، حرم مقدس امیرالمؤمنین علیہالسلام کے شعبۂ تحائف و نذور نے عید الفطر کے دوسرے دن سے نقدی اور اشیاء کے عطیات وصول کرنا شروع کر دیے ہیں۔
الکرمانی نے مزید کہا کہ شعبہ نے عطیات وصول کرنے کے لیے ایک منظم طریقہ کار وضع کیا ہے،عطیات دینے والے 24 گھنٹے تک حرم کے صحن علوی مطہر میں واقع دفتر تحائف و نذور کے ذریعے عطیات فراہم کر سکتے ہیں، نیز بین الاقوامی عطیات کے لیے مخصوص بینک اکاؤنٹ کے ذریعے بھی عطیات وصول کیے جا رہے ہیں۔
اس عمل کے دوران باقاعدہ رسیدیں ایک مخصوص الیکٹرانک نظام کے ذریعے جاری کی جاتی ہیں جو وصولی اور دستاویزات کی مکمل تصدیق کو یقینی بناتا ہے۔
