وہ میں ہوں جس کے ذکر کو فراموش کیا گیا

آج زیر بحث آیت سورہ تکویر کی آیت نمبر 27 ہے

اللہ تعالیٰ سورہ تکویر کی آیت 27 میں ارشاد فرماتا ہے:

"إِنْ هُوَ إِلاَّ ذِكْرٌ لِلْعالَمينَ؛

یہ قرآن دنیا والوں کے لیے بس ایک نصیحت (یاد دہانی) ہے۔

امام باقر علیہ‌السلام فرماتے ہیں:

"إِنْ هُوَ إِلَّا ذِکْرٌ لِلْعالَمِینَ سے مراد امیرالمؤمنین حضرت علی علیہ السلام ہیں” [1]

جابر بن یزید روایت کرتے ہیں:

میں امام باقر علیہ‌السلام  کی خدمت میں حاضر ہوا۔ آپ نے فرمایا: "بے شک حضرت علی علیہ‌السلام  اپنے خطبے میں فرماتے تھے:… وہ یاد دہانی (ذکر) جو بھلا دی گئی اور جسے لوگوں نے کھو دیا، وہ میں ہوں، اور وہ راستہ جس سے (لوگ) پلٹ گئے، وہ میرا راستہ ہے۔” [2]