حرم مقدس امیرالمؤمنین علیہالسلام کے تعمیراتی شعبہ کی ٹیم اس وقت نجف اشرف کے محلہ معلمین میں واقع 43 ہزار مربع میٹر رقبے پر مشتمل پارک کی بازسازی کے منصوبے کو تیز رفتاری سے آگے بڑھا رہی ہے۔
پروجیکٹ ڈائریکٹر، انجینئر علی حسین صفار کے مطابق منصوبہ اس وقت 65 فیصد مکمل ہو چکا ہے، باقی مراحل روزانہ 10 سے 12 گھنٹے کے تسلسل سے جاری ہیں، یہ سرگرمیاں حرم کے ماہر عملے اور غیرملکی ٹیموں کی مشترکہ شرکت سے، براہِ راست تکنیکی نگرانی کے ساتھ انجام پا رہی ہیں تاکہ یہ منصوبہ اعلیٰ معیارات کے مطابق مکمل ہو۔
اس پارک میں درج ذیل سہولیات میسر ہوں گی
1۔وسیع سبزہ زار اور قدرتی مناظر
نئے پیدار راستے (Walkways)2۔
3۔ عوامی بیت الخلاء
3۔ کنٹرول رومز
4۔ یورٹی و گارڈ رومز
اس منصوبے کا بنیادی مقصد اہلِ نجف کے لیے ایک مکمل تفریحی مرکز فراہم کرنا ہے، اس کے لیے ڑے پیمانے پر درخت لگانے کی تیاری کی جا رہی ہے، اہلِ خانہ کے لیے خصوصی آرام گاہیں (Rest Areas) بنائی جائیں گی۔
بچوں کے کھیل کے میدان اور مختلف کھیلوں کے لیے اسپورٹس گراؤنڈز تعمیر ہوں گے۔
عوام کے لیے علیحدہ پیدل چلنے کے راستے فراہم کیے جائیں گے۔
یہ منصوبہ نہ صرف شہریوں کو معیاری تفریحی سہولتیں فراہم کرے گا بلکہ نجف اشرف کی شہری خوبصورتی اور ماحولیاتی توازن میں بھی اہم کردار ادا کرے گا۔
