حرم مقدس امیرالمؤمنین علیہالسلام نے ماہ محرم کے پہلے عشرے میں سرگرم موکبوں کے اعداد و شمار کا اعلان کیا ہے۔
حرم مقدس امیرالمؤمنین علیہالسلام کے سکیورٹی شعبے سے وابستہ حسینی موکبوں کی تنظیم نے ماہ محرم الحرام کے پہلے عشرے کی عزاداری میں شریک موکبوں کے اعداد و شمار جاری کیے ہیں۔
یہ مجالس عزاداری خدماتی موکبوں کی وسیع شرکت کے ساتھ مختلف شکلوں میں منعقد ہوئیں۔
اس تنظیم کے ذمہ دار حسن جریو نے حرم مقدس امیرالمؤمنین علیہالسلام کے میڈیا سینٹر سے گفتگو کرتے ہوئے کہا کہ رجسٹرڈ اعداد و شمار کے مطابق 134 موکب مشق اور 124 مواکب مشاعل عزاداری میں شریک ہوئے۔
اسی طرح 212 خدماتی موکبوں نے نجف اشرف آنے والے زائرین اور عزاداروں کو مختلف خدمات فراہم کرتے ہوئے عزاداری کے انعقاد میں حصہ لیا۔
انہوں نے مزید کہا کہ اس کے علاوہ 56 موکبوں نے زنجیر زنی کی عزاداری میں شرکت کی، جبکہ 11 موکب عزاداری کے جلوسوں میں شریک ہوئے۔ یہ شرکت شعائر حسینی کے احیاء اور امام حسین علیہالسلام کی نہضت کو زندہ رکھنے کے لیے عوامی وابستگی اور وسیع شرکت کا واضح مظہر ہے۔
یہ وسیع شرکت اس بات کی عکاس ہے کہ ماہ محرم کے پہلے عشرے میں عزاداری اور شعائر حسینی کے احیاء کو زیادہ سے زیادہ شاندار انداز میں منعقد کرنے کے لیے تنظیمی اور خدماتی سطح پر وسیع پیمانے پر کوششیں انجام دی گئیں۔
