حرم مقدس امیرالمؤمنین علیہالسلام کی جانب سے عیدالضحیٰ اور ہفتۂ غدیر کے موقع پر مذہبی و ثقافتی ڈرامہ ’’بیعت با حق‘‘ پیش کیا جا رہا ہے، جس میں واقعۂ غدیر، فضائل امیرالمؤمنین علیہالسلام اور انبیائے الٰہی کی سیرت کو فنکارانہ انداز میں پیش کیا جائے گا۔
حرم مقدس امیرالمؤمنین علیہالسلام کے زیر اہتمام ہفتۂ غدیر کی تقریبات کے سلسلے میں اور عید غدیر کی آمد کے موقع پر حرم مقدس کے فنکارانہ اور ڈرامائی گروہ مذہبی و ثقافتی ڈرامہ ’’بیعت با حق‘‘ کی تیاریوں میں مصروف ہیں، جس کی پہلی پیشکش عیدالضحیٰ کی پہلی شب کو کی جائے گی۔ یہ ڈرامہ مسلسل ۱۸ دن تک نجف اشرف کی النخیل استراحت گاہ میں پیش کیا جائے گا۔
اس پروگرام کے ڈائریکٹر نیوز سلام احمد الجبوری نے سینٹر سے گفتگو کرتے ہوئے کہا کہ یہ ڈرامہ بعثت رسول اکرم صلی اللہ علیہ وآلہ سے پہلے انبیائے الٰہی کی رسالت کے سفر اور اصحاب کساء علیہمالسلام سے ان کے توسل کو پیش کرتا ہے، اس کے بعد خاتم النبیین صلی اللہ علیہ وآلہ کی حیات مبارکہ کے اہم مراحل کو فنکارانہ انداز میں بیان کیا جاتا ہے۔
انہوں نے مزید کہا:
اس ڈرامائی پیشکش میں امیرالمؤمنین علیہالسلام کے فضائل و مناقب، آپؑ کے بارے میں وارد ہونے والی آیات و احادیث، اور مشرکین کے خلاف اسلامی جنگوں میں آپؑ کے بہادرانہ کردار کو فنی انداز میں پیش کیا گیا ہے۔
الجبوری نے مزید کہا کہ ڈرامہ ’’بیعت با حق‘‘ واقعۂ غدیر اور اس کے عمیق مفہوم کو امت کی وحدت اور تفرقے سے حفاظت کی علامت کے طور پر پیش کرتا ہے، اور اس بات پر زور دیتا ہے کہ امیرالمؤمنین اور اہلبیت علیہمالسلام کی ولایت سے تمسک ہی دنیا و آخرت میں امت کی نجات اور کامیابی کا راستہ ہے۔
انہوں نے وضاحت کی کہ اس منصوبے میں ۵۰۰ سے زائد اداکار، فنکار، فنی اور انتظامی عملہ شریک ہے، جبکہ معروف فنکاروں کی ایک بڑی تعداد بھی اس ڈرامے کا حصہ بن رہی ہے، اس فنّی پیشکش کا مقصد پیغام غدیر کو ڈرامائی اور ثقافتی زبان میں معاشرے کے مختلف طبقات تک پہنچانا ہے۔
رپورٹ کے مطابق، اس ڈرامے کی پیشکش نجف اشرف کے بائی پاس راستے پر واقع النخیل استراحت گاہ میں عیدالضحیٰ کے پہلے دن سے ہر شب رات ۹ بجے ہوگی، منتظمین نے خاندانوں، ثقافتی اداروں اور ذرائع ابلاغ کو اس پروگرام میں شرکت کی دعوت دی ہے تاکہ وہ اس کے دینی، فکری اور ثقافتی مضامین سے استفادہ کر سکیں؛ ایسے مضامین جو امت اسلامی کی زندگی میں بیعت غدیر کی اہمیت اور مقام کو اجاگر کرتے ہیں۔
