یمن سے نجف لائے گئے جنازے کا واقعہ
علامہ مجلسی نقل کرتے ہیں:
اہلِ بیت علیہمالسلام سے متعلق بعض کتب میں منقول ہے کہ ایک روز امیرالمومنین علی علیہالسلام شہرِ غری، یعنی نجف، میں ایک جماعت کے درمیان نماز میں مشغول تھے۔ اچانک دو افراد اونٹ پر ایک تابوت لادے وہاں پہنچے، تابوت اتارا اور امیرالمومنین علیہالسلام کو سلام کیا۔
حضرت علیہالسلام نے پوچھا: کہاں سے آ رہے ہو؟
انہوں نے کہا: یمن سے۔
فرمایا: یہ تابوت کیسا ہے؟
انہوں نے کہا: ہمارے بوڑھے والد کا انتقال ہوگیا ہے اور انہوں نے وصیت کی تھی کہ انہیں اسی صحرا میں دفن کیا جائے!
ہم نے عرض کیا: اے پدر! یہ صحرا بہت وسیع اور ہمارے وطن سے دور ہے، آپ کیوں ایسا چاہتے ہیں؟
انہوں نے کہا: کیونکہ ایک مرد یہاں دفن ہوگا جس کی شفاعت سب کو شامل ہوگی۔
امیرالمومنین علی علیہالسلام نے فرمایا: الله اکبر، الله اکبر! خدا کی قسم، وہ شخص میں ہی ہوں۔
پھر آپ علیہالسلام نے اس کی نماز جنازہ پڑھائی، اسے دفن کیا اور وہ دونوں شخص وہاں سے رخصت ہوگئے۔[۱]
کتاب ارشاد القلوب دیلمی میں یہ روایت اس طرح آئی ہے:
امیرالمومنین علی علیہالسلام ایک روز دوپہر کے وقت نجف کے قریب اپنی ایک خلوتگاہ میں تھے۔ اچانک ایک شخص سواری پر ایک جنازہ لے کر بیابان سے نمودار ہوا۔
جب اس نے امیرالمومنین علی علیہالسلام کو دیکھا تو سلام کیا اور حضرت نے بھی سلام کا جواب دیا۔
حضرت علیہالسلام نے پوچھا: کہاں سے آ رہے ہو؟
اس نے کہا: یمن سے۔
فرمایا: یہ جنازہ کس کا ہے؟
اس نے کہا: یہ میرے والد کا جنازہ ہے جنہیں دفن کرنے کے لیے میں اس سرزمین پر لایا ہوں۔
حضرت علیہالسلام نے فرمایا: انہیں اپنے وطن ہی میں کیوں دفن نہیں کیا؟
اس نے کہا: انہوں نے وصیت کی تھی کہ انہیں یہاں دفن کیا جائے اور کہا تھا کہ ایک مرد یہاں دفن ہوگا جس کی شفاعت سب لوگوں کو شامل ہوگی۔
حضرت نے فرمایا: کیا تم اس مرد کو جانتے ہو؟
اس نے کہا: نہیں۔
حضرت علیہالسلام نے فرمایا: خدا کی قسم! وہ شخص میں ہی ہوں، اٹھو اور اپنے والد کو دفن کرو۔[۲]
یہی وہ صافی صفا ہے، جسے اکثر مؤرخین یمنی شخص قرار دیتے ہیں۔ ان کی قبر بحرِ نجف کے قریب، امیرالمومنین علیہالسلام کی ضریحِ مقدس کے روبرو واقع ہے۔
مرقدِ صافی صفا یمانی، حرم مقدس امیرالمومنین علیہالسلام سے تقریباً ۵۰۰ میٹر مغرب کی سمت، بحرِ نجف کے کنارے واقع ہے۔ یہ مقام ’’صفّۂ صافی صفا‘‘ کے نام سے بھی معروف ہے۔
یہ مقام در حقیقت امیرالمومنین علیہالسلام کی جائےمقام اور اثیب یمانی المعروف صافی صفا کا مزار ہے۔ نجف اشرف کے تاریخی و معنوی آثار اور نشانیوں میں شمار ہوتا ہے جن کی تاریخ صدیوں پرانی ہے۔
مآخذ
[۱] بحارالانوار ج ۴۲ ص ۳۳۳
[۲] إرشاد القلوب الديلمي ۲ / ۴۴۰، البحار ۴۲ /۳۳۴
