یہ پروگرام پانچویں بین الاقوامی ہفتۂ صادقین کے تحت عراق اور دیگر ممالک میں منعقد ہونے والی تقریبات کا حصہ ہے۔ لاہور پہنچنے پر وفد کا مقامی ذمہ داران اور متعلقہ شخصیات نے پرتپاک استقبال کیا۔
وفد کے سربراہ خادم کرار الخفاجی نے نیوز سینٹر سے گفتگو کرتے ہوئے کہا کہ لاہور میں حرم مقدس امیرالمومنین علیہ السلام کے وفد کی موجودگی اس امر کا اظہار ہے کہ جنرل سیکریٹریٹ دنیا کے مختلف ممالک میں موجود مؤمنین کے ساتھ مل کر اس بابرکت مناسبت کو منانے کا خواہاں ہے، کیونکہ یہ مناسبت تمام مسلمانوں کے لیے اتحاد و یکجہتی کا ذریعہ ہے۔ انہوں نے مسلم اقوام کے ساتھ رابطے کو فروغ دینے اور محبت و ولایت کے رشتوں کو مزید مضبوط بنانے کی اہمیت پر بھی زور دیا۔
انہوں نے مزید بتایا کہ وفد نے لاہور میں متعدد دینی اداروں اور مراکز کا دورہ کیا اور ان کے ذمہ داران و نمائندگان سے ملاقاتیں کیں۔ ان ملاقاتوں کا مقصد اس مناسبت سے منعقد ہونے والی مرکزی تقریب کے پیغام اور پروگرام سے آگاہ کرنا تھا۔ اس موقع پر حرمِ امیرالمومنین علیہالسلام کی جانب سے متعدد بابرکت تبرکات اور تحائف بھی پیش کیے گئے۔
ادارۂ منہاج الحسینی کے سربراہ سماحۃ الشیخ ڈاکٹر محمد حسین اکبر نے پاکستان میں حرم مقدس امیرالمومنین علیہالسلام کے وفد کی آمد پر مسرت اور فخر کا اظہار کیا۔ انہوں نے کہا کہ رسول اعظم صلیاللہعلیہوآلہ اور حضرت امام جعفر صادق علیہالسلام کی ولادتِ باسعادت کی مناسبت سے محفل کا انعقاد باعثِ افتخار ہے اور مؤمنین کے درمیان باہمی روابط اور تعلقات کو مزید مستحکم کرنے میں اہم کردار ادا کرے گا۔
شعبۂ تعلقاتِ عامہ کے نمائندے اور بین الاقوامی تعلقات کے یونٹ کے سربراہ خادم مہند الجمالی نے بتایا کہ اس پروگرام کا مقصد دینِ اسلام کی روشن تعلیمات کو عام کرنا، اہلِ بیت علیہم السلام کی اخلاقی اقدار کو فروغ دینا اور اسلامی مذاہب و مکاتبِ فکر کے پیروکاروں کے درمیان پُرامن بقائے باہمی، باہمی قربت اور اتحاد کی ثقافت کو مضبوط بنانا ہے۔
انہوں نے مزید کہا کہ یہ پروگرام ادارۂ منہاج الحسینی اور لاہور میں اعلیٰ دینی مرجعیت کے نمائندے سید ریاض نقوی کے تعاون و مشاورت سے ترتیب دیا گیا ہے۔ پروگرام میں لاہور میں ایک مرکزی محفلِ میلاد کے انعقاد کے علاوہ اس مناسبت سے ایک خصوصی کانفرنس بھی شامل ہے، جس میں مختلف اسلامی مذاہب و مکاتبِ فکر سے تعلق رکھنے والے علمائے کرام شرکت کریں گے۔
