امام صادق علیہالسلام نے زیارت امیرالمومنین علیہالسلام کی فضیلت کو کس قدر عظیم عمل قرار دیا؟ روایتِ امام صادق علیہالسلام کی روشنی میں زیارت امیرالمومنین علیہالسلام کی فضیلت اور زائرین کے بلند مقام کو جانیے۔
۱۔ ابووہب کی مدینہ آمد
ابووہبِ بصری کہتے ہیں:
میں مدینہ پہنچا اور امام صادق علیہالسلام کی خدمت میں حاضر ہوا۔
عرض کیا:
«میں آپ پر قربان جاؤں! میں آپ کی خدمت میں حاضر تو ہوا ہوں، لیکن ابھی تک امیرالمومنین علیہالسلام کی قبر کی زیارت نہیں کر سکا۔»
۲. امام صادق علیہالسلام کا سخت جواب
امام صادق علیہالسلام نے فرمایا:
«بِئْسَ مَا صَنَعْتَ» تم نے بہت برا کیا!
پھر فرمایا:
«لَوْ لَا أَنَّكَ مِنْ شِيعَتِنَا مَا نَظَرْتُ إِلَيْكَ»
اگر تم ہمارے شیعوں میں سے نہ ہوتے تو میں تمہاری طرف دیکھتا بھی نہ۔
پھر فرمایا:
«أَ لَا تَزُورُ مَنْ يَزُورُهُ اللَّهُ تَعَالَى مَعَ الْمَلَائِكَةِ وَ يَزُورُهُ الْأَنْبِيَاءُ مَعَ الْمُؤْمِنِينَ؟»
کیا تم اُس ہستی کی زیارت نہیں کرتے جس کی زیارت اللہ تعالیٰ فرشتوں کے ساتھ کرتا ہے، اور انبیاء مومنین کے ساتھ اس کی زیارت کرتے ہیں؟
۳۔ ابووہب کا لاعلمی کا اعتراف
ابووہب نے عرض کیا:
«میں آپ پر قربان جاؤں! مجھے اس بارے میں علم نہیں تھا۔»
۴۔ امیرالمومنین علیہالسلام کی تمام ائمہ پر فضیلت
امام صادق علیہالسلام نے فرمایا:
«اعْلَمْ أَنَّ أَمِيرَ الْمُؤْمِنِينَ عَلَيْهِ السَّلَامُ أَفْضَلُ عِنْدَ اللَّهِ مِنَ الْأَئِمَّةِ كُلِّهِمْ»
جان لو کہ امیرالمومنین علیہالسلام اللہ تعالیٰ کے نزدیک تمام ائمہ سے افضل ہیں۔
«وَ لَهُ ثَوَابُ أَعْمَالِهِمْ»
اور ان سب کے اعمال کا ثواب بھی انہی کے لیے ہے۔
«وَ عَلَى قَدْرِ أَعْمَالِهِمْ فُضِّلُوا»
اور دیگر ائمہ علیہمالسلام کو ان کے اعمال کے مطابق فضیلت دی گئی ہے
مآخذ
الکافی، محمد بن یعقوب کلینی، ج ۴، ص ۵۷۹
