حرم مقدس امیرالمؤمنینؑ کے دارالقرآن شعبے نے علوم قرآن کریم قومی مرکز کے تعاون سے حفظِ قرآن کا ابتدائی مقابلہ منعقد کیا، جو ملک گیر سطح پر قرآنی نخبگان کے قومی مقابلے کی تیاری کا حصہ ہے۔
حرم مقدس امیرالمؤمنینؑ کے شعبہ امور فکری و ثقافتی سے وابستہ دارالقرآن شعبے نے قومی مرکز علوم قرآن کریم کے تعاون سے حفظ قرآن کریم کا ابتدائی مقابلہ منعقد کیا۔
یہ قرآنی مقابلہ عراق بھر میں منعقد ہونے والے نخبگان کے قومی قرآنی مقابلے کی تیاری اور اہلیت کے تعین کے لیے منعقد کیا گیا، جس میں مختلف عراقی صوبوں سے تعلق رکھنے والے باصلاحیت حفاظ نے شرکت کی۔
دارالقرآن کے سربراہ علاء محسن نے حرم مقدس کے میڈیا سینٹر سے بات کرتے ہوئے کہا کہ یہ پروگرام عراق کے مختلف صوبوں سے تعلق رکھنے والے منتخب حفاظِ قرآن کی موجودگی میں منعقد ہوا۔ مقابلے کا ماحول نہایت علمی، روحانی اور پرجوش تھا، جو اس بات کا مظہر ہے کہ عراق میں قرآنی استعداد کس قدر نکھر رہی ہے۔
انہوں نے مزید کہا کہ یہ مقابلہ آستان علوی کی اُن مسلسل قرآنی سرگرمیوں کا حصہ ہے جن کا مقصد ایسا قرآنی نسل تیار کرنا ہے جو قرآن کو حفظ بھی کرے اور اس کی معرفت سے بھی آشنا ہو۔ ہم ایسے باصلاحیت نوجوانوں کی تربیت کر رہے ہیں جو مستقبل میں عراق کی نمائندگی قومی و بین الاقوامی قرآنی محافل میں کر سکیں۔
