حرم مقدس امیرالمؤمنین علیہالسلام کے فکری اور ثقافتی امور سے منسلک محسن چلڈرن کلچرل سنٹر نے اربعین پیدل مارچ کے راستے میںر بچوں کے لیے خصوصی موکب کا اہتمام کیا ہے۔
یہ موکب اربعین واکنگ روٹ کے ستون نمبر 94 پر لگایا گیا ہے اور اس میں ثقافتی، تعلیمی اور تفریحی پروگرام منعقد کیے جاتے ہیں جس کا مقصد بچوں میں شعور بیدار کرنا اور عزاداری کو زندہ کرنے میں ان کے کردار کو مضبوط کرنا ہے۔
انتشارات و محکمہ راھنمائی و تربیت کے عہدہدار حیدر الکعبی نے ایک انٹرویو میں کہا کہ اس اربعین پیدل مارچ کے راستے میں اس موکب میں بچوں اور ان کے اہلخانہ کے لیے ثقافتی، تعلیمی اور تفریحی سرگرمیاں انجام دی جاتی ہیں، ان پروگراموں میں مقابلے، پینٹنگ سیکشن، اور کتاب پڑھنا شامل ہیں، جن کا مقصد بچوں کو مطالعہ کرنے اور اپنی ثقافت کو بڑھانے کی ترغیب دینا ہے۔
حیدر الکعبی نے کہا کہ پہلی بار، اس پروگرام میں والدین کے لیے مہارت، بچوں اور نوعمروں کے مسائل کو حل کرنے کے طریقے، الیکٹرانک گیمز اور سوشل میڈیا کی لت سے نمٹنے کے لیے حکمت عملی کے ساتھ ساتھ ان کی ذہنی صحت کو مضبوط بنانے کے لیے تعلیمی مشورے بھی شامل کیے گئے ہیں۔
الکعبی نے مزید کہا کہ ان سرگرمیوں کا زائرین کی طرف سے بڑے پیمانے پر خیرمقدم کیا گیا،والدین نے بہت سے سوالات کیے اور شریک بچوں کو ثقافتی مصنوعات کے ساتھ تحائف بھی دیے گئے جس سے ثقافتی اور تعلیمی جہت کو زیارت کے روحانی ماحول سے جوڑنے میں مواکب کے کردار کو مزید اجاگر کیا گیا۔
یہ اقدام اربعین کے دوران بچوں اور ان کے والدین کو ثقافتی اور تعلیمی مدد فراہم کرنے کے لیے حرم مقدس امیرالمؤمنین علیہالسلام کی کوششوں کا حصہ ہے،ایک ایسا عمل جو اسلامی اقدار کو مستحکم کرنے اور آنے والی نسلوں کی ثقافتی اور تعلیمی بیداری کو فروغ دینے میں مدد کرتا ہے۔
