زیارت اربعین کے دوران خصوصی ثقافتی، مذھبی اور ابلاغی تقریب میں حرم امیر المومنین نے اپنے معزز اراکین میں سے ایک رکن حیدر العیساوی اور شعبہ تعلقات عامہ کے ایک گروپ کی موجودگی میں حرم مطھر امام رضا سے ہدیہ میں موصول ہونے والا مقدس پرچم وصول کیا۔
یہ تقریب 17 صفر کو امام علی ابن موسی الرضا علیہ السلام کی یوم شہادت کی مناسبت سے منعقد کی گئی تھی۔
پرچم کشائی کی تقریب امیر المومنین علیہ السلام کے مہمان خانہ میں اور حرم علوی میں دونوں مقدس مزارات کے خادموں کی موجودگی میں ہوئی۔
حرم علوی کے شعبہ تعلقات عامہ کے سربراہ صاحب البصیصی نے کہا: حرم مقدس امام رضا کے خادمین کا استقبال ہماری اس مہمان نوازی کا حصہ ہے اور یہ ایسے وقت میں انجام پا رہا ہے جب لاکھوں زائرین حرم امیر المومنین کی زیارت میں مشغول ہیں۔
حرم امیر المومنین ، اپنی پوری طاقت اور کوشش کے ساتھ، 17 سے زیادہ میزبانی اور آرام گاہوں میں زائرین کو خدمات فراہم کررہا ہے اور انہیں ہر طرح کی خدمات پیش کررہا ہے۔
