بغداد بین الاقوامی کتاب میلے میں حرم مقدس امیرالمؤمنین علیہالسلام کے اسٹال نے شرکاء کی توجہ حاصل کی۔
بغداد بین الاقوامی کتاب میلے میں حرم مقدس امیرالمؤمنین علیہالسلام کے اسٹال نے ثقافتی و علمی سرگرمیوں کے ذریعے شرکاء کی بھرپور توجہ حاصل کی، روزانہ ادبی مسابقات اور مفت الیکٹرانک کوپنز کی پیشکش کی گئی۔
بغداد بین الاقوامی کتاب میلے میں حرم مقدس امیرالمؤمنین علیہالسلام کے فکری و ثقافتی شعبے سے وابستہ اس اسٹال میں ثقافتی اور علمی سرگرمیوں نے شرکاء کے ساتھ گہرا تعامل قائم کیا،یہ شرکت موجودہ کتاب میلے میں ایک منفرد اور نمایاں شراکت سمجھی جا رہی ہے۔
حرم مقدس امیرالمؤمنین علیہالسلام کے فکری و ثقافتی شعبے کے سربراہ کرار الحلو نے ایک انٹرویو میں بتایا کہ اسٹال کی سرگرمیاں نہایت کامیاب رہی ہیں،انہوں نے کہا کہ روزانہ ادبی مسابقات کا انعقاد کیا گیا، جن میں شرکاء نے امام علی علیہ السلام کی زندگی، حرم مقدس امیرالمؤمنین علیہالسلام کی تاریخ اور نجف اشرف کے علمی ورثے سے متعلق سوالات حل کیے۔
ان مسابقات کے اختتام پر الیکٹرانک قرعہ اندازی کے ذریعے کامیاب ہونے والے دس افراد کا انتخاب کیا گیا، جنہیں قیمتی ‘پڑھو’ اسکیم کے مفت کوپن دیے گئے، یہ کوپنوں کے ذریعہ وہ خاص رعایت پر کتابیں خرید سکتے ہیں۔
الحلو نے بتایا کہ ‘پڑھو’ اسکیم کے تحت طلباء، علماء، محققین اور معاشرے کے مختلف طبقات کے لیے مفت الیکٹرانک کوپنز تقسیم کیے جا رہے ہیں، انہوں نے زور دیا کہ اس اسکیم کا مقصد عوام میں امام علی علیہ السلام کی زندگی اور نجف اشرف کی تاریخ کے بارے میں آگاہی بڑھانا ہے۔
حرم مقدس امیرالمؤمنین علیہالسلام کا اسٹال ثقافت، علم اور تخلیق کے میدان میں ایک مکمل تجربہ پیش کر رہا ہے، جس نے ملیے میں شریک افراد کے فکری افق کو وسیع کیا ہے،اسٹال کی سرگرمیاں پانچ روز جاری رہیں گی، جن کا مقصد علم و ادب کے فروغ کے ساتھ ساتھ تفریح و آگاہی کو یکجا کرنا ہے۔
