حرم مقدس امیرالمؤمنین علیہالسلام میں صحن حضرت فاطمہ سلاماللہعلیہا میں شعر رسول اعظم صلیاللهعلیہوآلہ کے سلسلے میں منعقد ہونے والی بین الاقوامی شعری تقریب کے مختلف پروگراموں کے تحت تنقیدی نشست و صبح شعر منعقد ہوئی جس میں عراق کے 14 شعراء نے شرکت کی اور نبی اکرم صلیاللهعلیہوآلہ کی شان میں اشعار پیش کیے۔
حرم مقدس امیرالمؤمنین علیہالسلام کی میزبانی میں شعر رسول اعظم صلیاللهعلیہوآلہ کی چوتھی بین الاقوامی ادبی نشست کے پروگرام جاری ہیں، اس سلسلے میں صحن حضرت فاطمہ سلاماللہعلیہا کے ہال ’’یاران مالک اشتر‘‘ میں صبح شعر اور ایک نشستِ نقد ادبی منعقد ہوئی، جو مدینے کے دروازوں کی طرف کے نعرے کے تحت اور ہفتہ بین الاقوامی صادقین علیہماالسلام کے فریم ورک میں انجام پائی۔
اس نشست میں عراق کے مختلف صوبوں سے تعلق رکھنے والے 14 نامور شعراء نے شرکت کی، ہر شاعر نے پانچ اشعار پیش کیے جو نبی کریم حضرت محمد مصطفیٰ صلیاللهعلیہوآلہ کی مدح و ثنا پر مشتمل تھے۔
صبح شعر کے بعد نقد ادبی کی نشست منعقد ہوئی، جس میں بیانیہ سے لے کر وصفی انداز تک قصیدہ نبوی صلیاللهعلیہوآلہ کے مختلف پہلوؤں کے تجزیے اور ادبی محاسن پر گفتگو کی گئی۔
اس نشست کی نظامت اور ادبی تنقید کے فرائض القادسیہ یونیورسٹی کے پروفیسر ڈاکٹر رحمن غركان نے انجام دیے جبکہ کربلا یونیورسٹی کے پروفیسر ڈاکٹر عمار الیاسری نے بھی اس نشست میں فعال شرکت کی۔
یاد رہے کہ تقریب کی افتتاحی نشست ایک شبِ شعر کے ساتھ ہوئی تھی جس میں عراق اور عرب دنیا کے ممتاز شعراء نے شرکت کی اور رسول اکرم صلیاللهعلیہوآلہ و امام جعفر صادق علیہالسلام کی ولادت باسعادت کے موقع پر اپنے نذرانۂ ھائے عقیدت پیش کیے۔
