شبِ شہادت امام حسن عسکریؑ پر ہزاروں عاشقانِ اہل بیتؑ سامراء میں حرم امامین عسکریینؑ میں جمع ہوئے اور پُرسوز عزاداری کی۔
شبِ شہادتِ امام حسن عسکری علیہالسلام کے موقع پر شہر سامراء کا روحانی منظر قابلِ دید تھا، جہاں ہزاروں دلسوختہ زائرین، عاشقانِ اہل بیت علیہمالسلام کی صورت میں حرم امامین عسکریین علیہمالسلام میں حاضر ہوئے اور پُرسوز عزاداری و ماتم داری میں شریک ہوئے۔
زائرین کی بڑی تعداد نے پورے خلوص، عقیدت اور سوگ کے ساتھ امام زمانہؑ کے والد ماجد کی مظلومانہ شہادت پر گریہ و زاری کی، نوحے پڑھے، سینہ زنی کی اور تجدید عہدِ وفا کیا۔
اس روحانی مناسبت پر حرم مقدس امیرالمؤمنین علیہ السلام کے میڈیا یونٹ نے اس رات کی خصوصی تصاویر اور مناظر جاری کیے، جن میں زائرین کی حاضری، موکبوں کی خدمت، اور نورانی فضا کو عکس بند کیا گیا ہے۔
یہ شب نہ صرف امام عسکریؑ کی یاد بلکہ امام مہدی عجل اللہ فرجہ الشریف کی تنہائی کو محسوس کرنے کی رات بھی تھی، جس میں ہر عاشق کے دل سے ایک ہی فریاد نکل رہی تھی:
یا صاحب الزمان، ہم غم میں شریک ہیں
