حرم مقدس امیرالمؤمنین علیہالسلام نے امام حسن عسکری علیہالسلام کے یوم شہادت پر سامرہ جانے والے زائرین کے لیے 40 سے زائد گاڑیوں کا انتظام کیا جنہیں سکیورٹی زونز سے حرم تک زائرین کو لانے، لے جانے نیز پانی، برف اور طبی خدمات کے استعمال میں لایا گیا، اس کے ساتھ ساتھ خدماتی موکب بھی لگایا۔
حرم مقدس امیرالمؤمنین علیہالسلام نے سامرہ میں امام حسن عسکری علیہالسلام کے یوم شہادت کی مناسبت سے لاکھوں زائرین کو لانے اور لے جانے کے لیے ٹرانسپورٹ کی مکمل سہولت فراہم کی جس کے تحت 40 سے زائد گاڑیاں مختلف خدمات انجام دے رہی ہیں۔
حرم مقدس کے ٹرانسپورٹ شعبے کے سربراہ صباح ابراہیم نے میڈیا سینٹر سے گفتگو میں بتایا کہ ہم نے 40 سے زائد گاڑیاں فراہم کی ہیں تاکہ زائرین کو سامرہ کے ان سکیورٹی زونز سے، جہاں عام گاڑیوں کی رسائی محدود ہوتی ہے، براہ راست حرم مقدس امامین عسکریین علیہماالسلام کے قریب پہنچایا جا سکے، یہ عمل حرم مقدس امامین عسکریین علیہماالسلام کے متعلقہ حکام کے ساتھ مکمل ہم آہنگی سے انجام پایا۔
انہوں نے مزید کہا کہ حرم مقدس امیرالمؤمنین علیہالسلام کے ٹرانسپورٹ شعبے نے صرف زائرین کے نقل و حمل کی خدمات فراہم نہیں کیں بلکہ پانی و برف کی ترسیل کے لیے بھی خصوصی گاڑیاں اور دیگر خدمت رسانی کی گاڑیاں بھی سامرہ بھیجی گئی ہیں تاکہ زائرین کو مکمل سہولیات فراہم کی جا سکیں۔
ابراہیم نے یہ بھی واضح کیا کہ حرم مقدس امیرالمؤمنین علیہالسلام نے عراق کے مختلف صوبوں سے آنے والے موکبوں کے سربراہوں و نمائندوں کے نقل و حمل اور انہیں تعاون فراہم کرنے کی بھی ذمہ داری سنبھالی ہے، تاکہ وہ بہتر انداز سے زائرین کی خدمت کر سکیں۔
قابل ذکر ہے کہ حرم مقدس امیرالمؤمنین علیہالسلام نے امام حسن عسکری علیہالسلام کے یوم شہادت پر ایک مرکزی موکب کے ذریعے مکمل خدماتی نظام ترتیب دیا ہے، جس میں مختلف شعبوں کے 150 سے زائد خادمین شریک ہیں اور زائرین کی سہولت کے لیے دن رات کوشاں ہیں۔
