حرم مقدس امیرالمؤمنین علیہالسلام نے امام حسن عسکری علیہالسلام کے یوم شہادت پر سامرہ میں خدمات انجام دینے والے موکب اور دینی انجمنوں کے خادمین کے لیے ٹرانسپورٹ کی فراہمی اور دیگر خدمات کی مکمل ذمہ داری لی ہے۔
یہ اقدام حرم مقدس کے ٹرانسپورٹ شعبے کے تحت عمل میں آیا ہے جس کا مقصد زائرین کی خدمت میں مصروف موکبوں اور انجمنوں کے خادمین کی منتقلی کو یقینی بنانا ہے۔
اس شعبے کے سربراہ صباح ابراہیم نے حرم مقدس کے میڈیا سینٹر سے گفتگو کرتے ہوئے کہا کہ مذکورہ شعبے کی نگرانی میں 13 بسیں فراہم کی گئی ہیں تاکہ سامرہ میں زائرین کی خدمت کرنے والے موکبوں، انجمنوں اور ان کے خادمین کو منظم طریقے سے منتقل کیا جا سکے۔
ابراہیم نے مزید وضاحت کی کہ یہ منصوبہ ایک جامع پلان کے تحت انجام پا رہا ہے، جس میں نہ صرف مختلف موکبوں کی منتقلی شامل ہے بلکہ حرم مقدس امیرالمؤمنین علیہالسلام کا مرکزی موکب بھی سامرہ روانہ کیا گیا ہے، اس کے ساتھ ساتھ مختلف شعبوں میں کام کرنے والی خدماتی گاڑیاں بھی تعاون کے لیے روانہ کی گئی ہیں۔
انہوں نے بتایا کہ اس موقع پر 40 سے زائد گاڑیاں فراہم کی گئی ہیں، جن میں ایسی بسیں شامل ہیں جو زائرین کو سامرہ کے سکیورٹی پوائنٹس سے حرم مقدس امامین عسکریین علہماالسلام کے نزدیک منتقل کریں گی اور درجنوں خصوصی گاڑیاں بھی مختلف خدماتی کاموں کے لیے موجود رہیں گی۔
قابل ذکر ہے کہ حرم مقدس امیرالمؤمنین علیہالسلام نے اس موقع پر خصوصی انتظامات کیے ہیں تاکہ سامرہ میں حرم مقدس امامین عسکریین علیہماالسلام کی جانب سے کی جانے والی خدمات کو مزید بہتر بنایا جا سکے اور لاکھوں زائرین کو بہتر سہولیات فراہم کی جا سکیں۔
