حرم مقدس امیرالمؤمنین علیہالسلام نے رسول اکرم صلیاللہعلیہوآلہ کے یوم شہادت پر عراق کے متخلف شہروں اور دنیا بھر سے آنے والے زائرین اور عزاداروں نیز 1800 قومی اور بین الاقوامی ماتمی انجمنوں کی میزبانی کی۔
حرم مقدس امیرالمؤمنین علیہالسلام کے موکبوں اور انجمنوں کے امور کے نگراں شعبے کے سربراہ حسن زکی نے کہا کہ تمام انجمنوں کو منظم طریقے سے داخلے کی اجازت دی گئی اور عزاداری کے لیے تمام ضروری انتظامات بروقت فراہم کیے گئے، حرم مقدس کے خادمین اور سکیورٹی اداروں کے باہمی تعاون سے لاکھوں زائرین کی آمد و رفت بھی پُرامن اور روحانی ماحول میں انجام پائی۔
حسن زکی نے مزید بتایا کہ دوسرے حرموں سے وابستہ موکبوں کے لیے خصوصی پروگرام ترتیب دیے گئے اور حرم مقدس امیرالمؤمنین علیہالسلام نے ان کی میزبانی کے لیے ہر ممکن سہولیات فراہم کیں۔
یہ تمام انتظامات اس بات کا بھی واضح ثبوت تھے کہ حرم مقدس امیرالمؤمنین علیہالسلام نے رسول خدا صلیاللهعلیهوآله کے یوم شہادت پر آنے والے زائرین کے لیے روحانیت اور عقیدت کے ماحول میں عزاداری کا موقع فراہم کیا۔
اس روح پرور اجتماع میں آنے والے زائرین کی کثرت، جلوسھائے عزا اور بین الاقوامی موکبوں کی موجودگی اس امر کا اظہار تھی کہ نبی اکرم صلیاللهعلیهوآله کا غم آج بھی امت کے دلوں میں زندہ ہے اور اہل ایمان ان کی یاد میں ہر سال تجدید وفا کرتے ہیں۔
