آستان مقدس علوی کے ۱۷ مراکز سے زائرین کو فراہم کی جانے والی خدمات کے حوالے سے تازہ ترین سرکاری اعداد و شمار کے مطابق، امیرالمؤمنین علیہ السلام کے زائرین کو روزانہ ۳۵۰ ہزار سے زائد اصلی کھانے فراہم کیے جا رہے ہیں۔
یہ اعداد و شمار صرف اس کھانے کی تعداد کا احاطہ کرتے ہیں جو زائرین کو دیا جا رہا ہے، اس کے علاوہ فاسٹ فوڈ، پھل، جوس اور دیگر اشیاء جو آستانہ مقدس علوی کے خادمین زائرین میں تقسیم کرتے ہیں، ان کو شامل نہیں کیا گیا۔
آستان مقدس علوی کی جانب سے ۳۵۰ ہزار سے زائد کھانے کی تقسیم
اعداد و شمار کے مطابق، آستان مقدس علوی نے صفر کی ساتویں تاریخ سے روزانہ ۳۵۰ ہزار سے زائد کھانے تقسیم کیے ہیں، جن میں اصلی کھانے کے ساتھ ہزاروں ہلکے کھانے، جوس اور ٹھنڈے پانی کی بوتلیں بھی شامل ہیں۔ یہ تعداد بڑھ سکتی ہے کیونکہ زائرین کی تعداد میں اضافے کے ساتھ ساتھ ۱۵ سے ۱۹ صفر تک ان ایام میں تقسیم کا حجم مزید بڑھنے کی توقع ہے۔
روزانہ ۱۴۰ ہزار کھانوں کی تقسیم
’’جناب اثیر تمیمی‘‘، جو کہ زائرین کے مہمان خانہ کے شعبے کے سربراہ ہیں، نے بتایا کہ ’’مقداد‘‘ نامی مرکزی باورچی خانہ اس اعداد و شمار میں سب سے بڑا حصہ رکھتا ہے۔ یہ مرکز روزانہ ۸۰ ہزار کھانے تیار کرتا ہے اور اس کی تعداد ۱۰۰ ہزار تک بھی پہنچ سکتی ہے۔ یہ کھانے آستان مقدس علوی کے مرکزی مہمان خانے میں بھیجے جاتے ہیں، جہاں روزانہ ۶۰ ہزار سے زیادہ کھانے دو وقتوں (دوپہر اور رات کے کھانے) میں تقسیم کیے جاتے ہیں۔ یہ تمام خدمات امام زین العابدین علیہ السلام کے ضیافت کے اسٹیشنز کی مدد سے فراہم کی جاتی ہیں۔
دیگر مراکز میں کھانے کی تقسیم کا اوسط
دیگر پذیرائی مراکز میں روزانہ کھانے کی تقسیم کا اوسط ۳ ہزار سے ۴۰ ہزار کھانوں کے درمیان ہوتا ہے، اور یہ تعداد زائرین کی تعداد اور اس اسٹیشن کی جگہ کے مطابق مختلف ہو سکتی ہے۔
پذیرائی اسٹیشنز کے اعداد و شمار – ۱۶ صفر کی تاریخ
- زائرین کا مہمان خانہ: ۶۰ ہزار کھانے
- مرکز امام زین العابدین علیہ السلام: ہلکے کھانے اور مشروبات کی تقسیم، ۲۴ گھنٹے کی خدمت
- مرکزی باورچی خانہ مقداد رضوان اللہ تعالی علیہ: ۸۰ ہزار کھانے
- مرکز مالک اشتر رضوان اللہ تعالی علیہ: ۲۵ ہزار کھانے
- استراحت گاہ مرتضی، عمود ۹۶ (اربعین کے پیدل راستے پر): ۳۰ ہزار کھانے
- مہمان خانہ عمار بن یاسر: ۴۵ ہزار کھانے
- مرکز امام رضا علیہ السلام، عراق کے کمربندی راستے پر: ۲۰ ہزار کھانے
- مرکز امام حسین علیہ السلام: ۸ ہزار کھانے
- موکب قہرمان خیبر، باب طوسی کے قریب: ۳۰ ہزار کھانے
- مرکز ابناء امیرالمؤمنین (امیرالمؤمنین علیہ السلام کے بیٹے)، عمود ۲۳۴ (اربعین کے پیدل راستے پر): ۸ ہزار کھانے
- استراحت گاہ کرار، عمود ۹۹ (اربعین کے پیدل راستے پر): ۶ ہزار کھانے
- موکب امام حسن علیہ السلام: ۲۵ ہزار کھانے
- مرکز ابوذر غفاری رضوان اللہ تعالی علیہ: ۱۸ ہزار کھانے
- موکب رسول اعظم صلی اللہ علیہ وآلہ وسلم، پارکنگ کے تہہ خانہ میں: ۱۴ ہزار کھانے
- مرکز امام جعفر صادق علیہ السلام، عمود ۱۹۶ (اربعین کے پیدل راستے پر): ۳ ہزار سے زائد کھانے
- مرکز خادمان افتخاری، صحن حضرت زهرا سلام اللہ علیہ میں: ۱۲ ہزار کھانے (مضیف مرکزی مقداد سے تیار شدہ)
17. مرکز زائرین، عمود ۶۷۰، الحیدریہ، شمالی نجف (اربعین کے پیدل راستے پر): تعداد کا تعین آزاد
