حرم مقدس امیرالمؤمنین علیہالسلام کی کوششوں سے امام حسین علیہ السلام کی شخصیت کو متعارف کروانے والے دوسرے بین الاقوامی حسینی الیکٹرانک مقابلے کے نتائج کا اعلان کر دیا گیا ہے۔
حرم مقدس امیرالمؤمنین علیہالسلام کے شعبہ مذہبی امور نے دوسرے حسینی بین الاقوامی الیکٹرانک مقابلے کے نتائج کا اعلان کیا جو الیکٹرانک پبلشنگ ڈیپارٹمنٹ، انفارمیشن ٹیکنالوجی سنٹر، شعبہ نشر و اشاعت، میڈیا ڈیپارٹمنٹ اور نیوز سنٹر کے دو شعبوں کے تعاون سے منعقد ہوا تھا۔
مذہبی تبلیغ کے شعبے کے سربراہ شیخ ہانی کنانی نے ایک انٹرویو میں کہا کہ حسینی مقابلہ ان پروگراموں میں سے ایک ہے جس نے خاص طور پر نوجوانوں میں مذہبی، فکری اور ثقافتی بیداری کی سطح کو بلند کرنے میں اہم کردار ادا کیا ہے، یہ مقابلہ علم کے حصول کا ایک ذریعہ ہے جس کے ذریعے حصہ لینے والے متعلقہ کتابوں، موضوعات اور معلومات سے واقف ہو سکتے ہیں۔
اس کا بنیادی ہدف امام حسین علیہالسلام کی شخصیت، خدا کے حضور ان کے مقام و مرتبہ، پیغمبر اسلام صلیاللهعلیہوآلہ کے ساتھ ان کے تعلق اور ان کی تحریک اور بلند اہداف کا تعارف کرانا ہے۔
کنانی نے مزید کہا کہ مقابلے میں عراق کے مختلف صوبوں سے بڑی تعداد میں لوگوں نے شرکت کی؛
صوبہ نجف اشرف 511 شرکاء کے ساتھ پہلے نمبر پر رہا جبکہ بغداد 245 شرکاء کے ساتھ دوسرے نمبر پر، بابل 158 کے ساتھ تیسرے نمبر پر، بصرہ 156 کے ساتھ چوتھے نمبر پر اور کربلائے معلیٰ 141 شرکاء کے ساتھ پانچویں نمبر پر رہا۔
شرکاء کی کل تعداد 2659 تھی جن میں سے 106 افراد نے 100 کا بہترین اسکور حاصل کیا،مقابلے میں شرکت کا دائرہ عالمی سطح پر بھی پھیل گیا، اور 19 ممالک نے اس میں حصہ لیا جن میں کینیڈا، آسٹریلیا، متحدہ عرب امارات، بحرین، سعودی عرب، کویت، آسٹریا، بھارت، یمن، ایران، مصر، عراق، لبنان، شام، پاکستان، ترکی اور اردن شامل ہیں۔
