حرم مقدس امیرالمؤمنین علیہالسلام کے شعبۂ حفطان صحت اور گمشدہ افراد کو تلاش کرنے کے نگران ادارے نے حرم مقدس کے اسٹریٹجک پلاننگ اینڈ ڈویلپمنٹ سینٹر کی زیر نگرانی نظم یونٹ کے تعاون سے حرم مقدس کے خادمین کی تربیت کے لیے ایک خصوصی ورکشاپ کا انعقاد کیا۔
حرم مقدس امیرالمؤمنین علیہالسلام کا یہ اقدام اربعین زائرین کی خدمت کے لیے اور یوم اربعین کے قریب آنے کے موقع پر کیا گیا۔
گمشدگان کی بازیابی کے مرکز کے انچارج مصطفی جبار محسن نے ایک انٹرویو نے دوران بتایا کہ یہ ورکشاپ معلومات کو اپ ڈیٹ کرنے اور خدام کے کاموں میں تیزی لانے کے لئے منعقد کی گئی ہے تاکہ لاکھوں زائرین کو بہتر سے بہتر خدمات فراہم کی جا سکیں۔
انہوں نے کہا کہ اس ورکشاپ میں کل 150 افراد میں سے 40 سے زائد افراد نے حصہ لیا،ورکشاپ کے مواد میں حرم مقدس امیرالمؤمنین علیہالسلام کے مقامات سے واقفیت، مساجد، حرم مقدس کے داخلی اور خارجی راستوں کے ساتھ ساتھ صحن حضرت فاطمہ زہرا سلاماللہعلیہا کے نقشے اور شہر نجف اشرف کے بارے میں معلومات فراہم کی گئیں۔
انہوں نے مزید کہا کہ اس کے علاوہ، اس ورکشاپ میں اہم ترین مذہبی اور خدماتی مقامات کا تعارف کرایا گیا اور لاپتہ افراد کو تلاش کرنے والی ایپلی کیشن کے بارے میں وضاحت کی گئی، اس ایپ میں لاپتہ افراد کی اطلاع دینا اور تلاش کرنا، شہر کے نقشے، اور ہوٹلوں، مساجد اور دیگر مقامات کا مکمل ڈیٹا بیس جیسی خصوصیات ہیں۔
جبار نے وضاحت کرتے ہوئے کہا کہ ورکشاپ کے اختتام پر درج ذیل تجویزات دی گئں:
قواعد و ضوابط پر عمل کرنے کی ضرورت۔
فورسز کی موجودگی۔
حرم مقدس میں داخل ہونے اور باہر نکلنے والے راستوں پر زائرین کی ضروریات کے مطابق خدمات فراہم کرنے کی ضرورت ۔
قابل ذکر ہے کہ حرم مقدس امیرالمؤمنین علیہالسلام کی جانب سے لاکھوں زائرین کو بر وقت خدمات فراہم کرنے کی غرض سے خدام کے کئی تربیتی کورسز منعقد کئے جا چکے ہیں۔
