یہ اقدام حرم مقدس امیرالمومنین علیہالسلام کے وفد کے دورے کے دوران کیا گیا، جس کی قیادت حرم مقدس کے نائب سربراہ احسان الطائی نے کی اور ساتھ میں آستان کے بورڈ آف ٹرسٹیز کے کئی ارکان بھی تھے۔ یہ دورہ ایئرپورٹ انتظامیہ کے ساتھ ہم آہنگی میں کیا گیا۔
براہ راست ہم آہنگی
حرم مقدس امیرالمومنین علیہالسلام کے شعبہ تعلقات عامہ کے سربراہ صاحب البصیصی نے خبررساں مرکز سے گفتگو کرتے ہوئے کہا: "ایئرپورٹ منیجر انجینئر حیدر المیالی کے ساتھ ملاقات میں، ایک خصوصی استقبالیہ موکب قائم کرنے کے ذریعے زائرین کے استقبال اور انہیں پذیرائی کی خدمات فراہم کرنے کے لیے مشترکہ تعاون کے طریقہ کار پر غور کیا گیا۔”
مشترکہ منصوبہ
ایئرپورٹ کے ڈپٹی منیجر ڈاکٹر حسین عباس المہنا نے مرکز خبری کو بتایا: "حرم مقدس امیرالمومنین علیہالسلام کے ساتھ ہم آہنگی ایک پہلے سے طے شدہ ورک پلان کے تحت کی گئی ہے، جس کا مقصد استقبال کے عمل کو آسان بنانا اور ان زائرین کی خدمت کے لیے مناسب ماحول فراہم کرنا ہے جو نجف اشرف انٹرنیشنل ایئرپورٹ کے ذریعے آتے ہیں۔”
خدمات کے لیے تیاری
واضح رہے کہ حرم مقدس امیرالمومنین علیہالسلام نے کافی عرصہ پہلے سے ان زائرین کی خدمت کے لیے ضروری تیاری کر لی تھی جو اربعین حسینی کی تقریبات میں شرکت کے لیے حرم امیرالمؤمنین علیہالسلام کی زیارت کے لیے آئے ہیں۔ نیز تمام شعبوں اور یونٹس میں خدمت گزار عملے کو مکمل الرٹ رکھا گیا ہے تاکہ معزز زائرین کو بہترین ممکنہ خدمات فراہم کی جا سکیں۔
