حرم مقدس امیرالمؤمنین علیہالسلام نے امام حسن مجتبیٰ علیہالسلام کی شہادت کی یاد میں، الرہیمہ کے مقام پر جو بی بی زکیہ بنت امام حسن سلاماللہعلیہا کے مرقد کے قریب واقع ہے ایک خصوصی موکب برپا کیا جہاں عزاداری کے ساتھ ساتھ زائرین کے لیے مختلف خدمات بھی فراہم کی گئیں۔
دو روزہ خدماتی پروگرام
حرم مقدس امیرالمؤمنین علیہالسلام کے فدک فارم کے نگران، جناب مصطفی حسن دولاب نے میڈیا سینٹر سے گفتگو کرتے ہوئے کہا کہ یہ موکب مسلسل دو دن تک زائرین کو خدمات فراہم کرتا رہا، جن میں روزانہ تین وقت کے کھانے (ناشتہ، دوپہر اور رات کا کھانا)، پینے کا پانی، اور مختلف اقسام کے مشروبات کی تقسیم شامل تھی۔
زائرین کی رہائش و ضیافت
اسی سلسلے میں، حرم مقدس امیرالمؤمنین علیہالسلام سے وابستہ موکب فاطمہ زہرا سلاماللہعلیہا کے نمائندے، جناب محسن فرحان نے وضاحت کی کہ یہ موکب بی بی زکیہ بنت امام حسن سلاماللہعلیہا کے مرقد پر تعزیت پیش کرنے آنے الے زائرین کے لیے کھانے، قیام اور دیگر ضروری خدمات فراہم کر رہا ہے۔
طبی امداد اور ہنگامی خدمات
فدک فارم میں ہنگامی طبی امداد کے یونٹ کے سربراہ، جناب عقیل عبدالأمیر محمد نے بتایا کہ حرم مقدس امیرالمؤمنین علیہالسلام نے خصوصی طبی ٹیم تشکیل دینے کا حکم دیا ہے تاکہ زائرین کو فوری امداد، طبی معائنہ اور ہنگامی نقل و حمل کی سہولت فراہم کی جا سکے، یہ ٹیم تمام ضروری طبی سازوسامان سے لیس ہے تاکہ زائرین کو بہترین ممکنہ طبی سہولتیں فراہم کی جا سکیں۔
