حرم مقدس امیرالمؤمنین علیہالسلام کی ہدایت اور زائرین کے مہمانخانہ کی نگرانی میں زائرین اربعین کے لیے دوسرا خدمترسانی مرکز باضابطہ طور پر شروع کر دیا گیا ہے، یہ نیا مرکز، مہمان خانہ کے مرکزی اسٹیشن کے سامنے واقع ہے جس کا مقصد زائرین کو بہتر، فوری اور مسلسل خدمات فراہم کرنا ہے۔
مرکزی مہمانخانے کے لیے معاون اسٹیشن
اس اسٹیشن کے نگران جناب علی کامل نے میڈیا سینٹر سے گفتگو کرتے ہوئے بتایا کہ یہ اسٹیشن مہمان خانہ کے مرکزی مرکز کی ذیل میں ہے، زائرین جب وہاں سے بنیادی ضیافت حاصل کر لیتے ہیں، تو ہمارے اسٹیشن کا رخ کرتے ہیں جہاں ہم انہیں ٹھنڈا پانی، جوس، اور چائے فراہم کرتے ہیں۔
24 گھنٹے بلاوقفہ خدمات
انہوں نے مزید کہا کہ یہ اسٹیشن چوبیس گھنٹے فعال ہے۔ یہاں آستان مقدس کے مہمانسرائے سے وابستہ خادمین اور رضاکارانہ طور پر شریک افراد خدمات انجام دے رہے ہیں، تمام ضیافتی اشیاء مہمانسرائے کے مرکزی مرکز سے فراہم کی جاتی ہیں، اور یہ اسٹیشن زیارت اربعین کے اختتام تک فعال رہے گا۔
زیارتِ اربعین کے بعد بھی خدمات کا تسلسل
علی کامل نے مزید وضاحت کی کہ چونکہ زیارت اربعین کے بعد زائرین کی واپسی کا سلسلہ شروع ہوتا ہے، اس لیے خدمات ماہ صفر کے اختتام تک جاری رہیں گی، اسی طرح، نبی اکرم صلی اللہ علیہ و آلہ وسلم کے یومِ وفات کی مناسبت سے جو زائرین نجف اشرف آتے ہیں، ان کے لیے بھی ضیافتی خدمات فراہم کی جائیں گی۔
حرم مقدس امیرالمؤمنین علیہالسلام کے وسیع خدماتی نیٹ ورک کی جھلک
قابلِ ذکر ہے کہ حرم مقدس امیرالمؤمنین علیہالسلام نے زائرین اربعین کی خدمت کے لیے اپنی تمام تر توانائیاں بروئے کار لاتے ہوئے 18 ضیافتی اسٹیشنز قائم کیے ہیں، جہاں حرم امیرالمؤمنین علیہالسلام کے تبرکاتی کھانے فراہم کیے جا رہے ہیں، اس کے علاوہ
طبی و صحت مراکز
پینے کے پانی کی فراہمی کے لیے سپورٹ اسٹیشنز
زائرین کے لیے آرام گاہیں اور رہائشی سہولیات
نجف تا کربلا پیدل مارچ کے راستے میں زائرین کے لیے خدماتی شہرک بھی قائم کیے گئے ہیں۔
