حرم مقدس امیرالمؤمنین علیہالسلام کے خواتین میڈیا یونٹ نے مؤسسہ العین کی بچیوں کی میزبانی کی، جہاں ایک پاکیزہ اور معصوم فضا میں حضرت رقیہ سلاماللہعلیہا کی یاد میں ایک خصوصی مجلس عزا کا انعقاد کیا گیا۔
یہ مجالس تین روز تک جاری رہیں جو حضرت رقیہ سلاماللہعلیہا کی یاد کے عنوان سے صرف بچیوں کے لیے ترتیب دی گئی تھیں، ان مجالس کا مقصد بچیوں کے اندر حسینی فکر، صبر اور پاکیزگی کی تعلیمات کو اجاگر کرنا تھا۔
دلوں کو چھو لینے والی شرکت اور جذباتی ہم آہنگی
خواتین میڈیا یونٹ کی انچارج اور حرم مقدس کی خادمہ، محترمہ اسراء حسن نے میڈیا سینٹر سے گفتگو میں کہا کہ اس مجلس میں شرکت کرنے والی بچیوں کی موجودگی بے حد اثرانداز اور جذباتی تھی،ہم نے ان بچیوں کو انتہائی محبت و توجہ سے مدعو کیا تاکہ وہ حضرت رقیہ سلاماللہعلیہا کے غمِ امام حسین علیہالسلام میں شریک ہو کر کربلا سے صبر اور پاکیزگی کا پیغام حاصل کریں، ان کا معصوم جذبہ اور امام حسین علیہالسلام لگاؤ بے ساختہ دلوں کو چھو گیا۔
معصوم احساسات کا عاشورائی اظہار
محترمہ اسراء نے مزید کہا کہ اس پروگرام میں ‘شہزادیٔ کربلا’ کے عنوان سے ایک ڈرامائی پیشکش کی گئی جس میں حضرت رقیہ سلاماللہعلیہا کی زندگی کو سادہ اور جذباتی انداز میں نیز بچیوں کی عمر کے مطابق پیش کیا گیا، اس تخلیقی پیشکش میں فنونِ لطیفہ کے ذریعے عاشورائی اقدار کو بچیوں کے دلوں میں راسخ کیا گیا، اس کے بعد ایک خصوصی مجلس عزا منعقد کی گئی جس نے پروگرام کو ایک روحانی اور جذباتی رنگ دیا۔
وفاداری اور عشق کا معصوم پیغام
پروگرام کا اختتام بچیوں کی جانب سے ایک خودجوش پیغام پر ہوا، جو عشقِ امام حسین علیہالسلام اور کربلا کی تعلیمات سے اُن کی وابستگی کی گہرائی کو ظاہر کرتا تھا، بچیوں نے اس بات پر زور دیا کہ آئندہ نسل کی تربیت عاشورائی فکر، معنویت اور عمر کے لحاظ سے موزوں دینی روشنی میں کی جائے، تاکہ حسینی پیغام نسل در نسل منتقل ہو۔
