حرم مقدس امیرالمؤمنین علیہالسلام نے ’’چشمۂ حیات‘‘ فیسٹیول کے چوتھے مرحلے میں شرکت کے لیے اپنی تمام تیاریاں مکمل کرلیں، جہاں مختلف شعبے ثقافتی، قرآنی، فنی اور میڈیا سرگرمیوں کے ذریعے نمایاں کردار ادا کریں گے۔
حرم مقدس امیرالمؤمنین علیہالسلام کے متعلقہ شعبوں نے ’’چشمۂ حیات‘‘ فیسٹیول اور نمائش کے چوتھے مرحلے میں شرکت کے سلسلے میں اپنی تمام تیاریاں مکمل کرلی ہیں۔ یہ فیسٹیول قبس ثقافتی فاؤنڈیشن کی کاوشوں اور مقدس حرموں کے تعاون سے منعقد کیا جا رہا ہے۔
حرم مقدس امیرالمؤمنین علیہالسلام کے اسٹال کے ایگزیکٹو ڈائریکٹر اور اسٹریٹجک منصوبہ بندی و ترقی کے مرکز نظم کے نائب سربراہ مصطفیٰ آل حیدر نے میڈیا سینٹر سے گفتگو کرتے ہوئے کہا کہ مختلف ثقافتی، فکری اور ترقیاتی اداروں کے ساتھ تعاون اور ہم آہنگی کے پروگرام کے تحت اس فیسٹیول میں شرکت کے لیے تمام ضروری تیاریاں مکمل کرلی گئی ہیں، یہ فیسٹیول پانچ روز تک جاری رہے گا جس میں دیگر مقدس حرموں کے علاوہ متعدد ثقافتی ادارے اور مراکز بھی شرکت کریں گے۔
انہوں نے مزید کہا کہ حرم مقدس امیرالمؤمنین علیہالسلام کی شرکت اس کے مختلف شعبوں کے ذریعے ہوگی، جس میں انجینئرنگ، فنی، میڈیا، ثقافتی، فکری، قرآنی اور فنونِ لطیفہ سے متعلق سرگرمیاں شامل ہوں گی۔ اس کے علاوہ اس موقع پر اسٹیج پروگرام پیش کیے جائیں گے، علمی اور فکری ورکشاپس اور بامقصد مکالماتی نشستیں منعقد کی جائیں گی، جبکہ نعت خوانی، شعر خوانی اور مذہبی ہم خوانی کے پروگرام بھی اس کا
