حرم مقدس امیرالمؤمنین علیہالسلام نے مرکز المحسن اور مرکزِ منصوبہبندی و نظم کے تعاون سے 15 تا 17 سالہ نوجوانوں کے لیے ’’دورۂ امامِ منتظر ‘‘ تیسرا تربیتی و ثقافتی کیمپ شروع کر دیا ہے جس کا مقصد دینی اقدار اور انسانی اخلاقیات کے مطابق نسل کی تربیت کرنا ہے۔
حرم مقدس امیرالمؤمنین علیہالسلام نے اطفال المحسن ثقافتی مرکز کے ذریعے اور منصوبہبندی و ترقی مرکز نظم کے تعاون سے اپنے تعلیمی و ثقافتی پروگراموں کے دائرے میں نوجوانوں کے لیے تیسرے کیمپ کی سرگرمیوں کا آغاز کیا ہے جس کا ہدف ایک باشعور نسل کی تربیت کرنا ہے جو دینی اور انسانی اقدار سے وابستہ ہو۔
مرکز المحسن سے وابستہ اس کورس کے مدرس ڈاکٹر مرتضیٰ الخزاعی نے حرم مقدس کے میڈیا سینٹر کو بتایا کہ پہلے کیمپ کا عنوان ’’دورۂ القاسم‘‘ تھا، دوسرا کیمپ ’’دورۂ علی اکبر‘‘ کے عنوان سے منعقد ہوا، جبکہ اب’’دورۂ امامِ منتظر عجل اللہ تعالی فرجہ الشریف‘‘ کے عنوان سے 15 سے 17 سال کی عمر کے نوجوانوں کے لیے تیسرا کیمپ منعقد کیا جا رہا ہے جس میں تقریباً 30 نوجوانوں شرکت کریں گے کیونکہ اس پروگرام کے ذمہ داران تعلیمی معیار کو یقینی بنانے اور شرکاء کے ساتھ براہِ راست اور مؤثر تعامل کو ترجیح دیتے ہیں۔
یہ منصوبہ حرم مقدس امیرالمؤمنین علیہالسلام کے اس وژن کے تحت انجام دیا جا رہا ہے جس کا مقصد نوجوانوں کی دیکھ بھال کرنا اور ان کی فکری و رویّاتی صلاحیتوں کو مضبوط بنانا ہے، ایسے منظم پروگراموں کے ذریعے جو دینی رہنمائی، شخصی ترقی اور زندگی کی مہارتوں کا امتزاج ہیں، تاکہ حرم مقدس اپنی معاشرتی خدمت کے مشن کو بہتر انداز میں انجام دے سکے۔
