حرم مقدس امیرالمؤمنین علیہالسلام کے وفد نے قنبر رہائشی کمپلیکس فیز 1 اور 2 سمیت متعدد خدماتی منصوبوں کا جائزہ لیا، پہلے مرحلے میں 500 یونٹس مکمل ہونے کے قریب ہیں، جب کہ دوسرے مرحلے کے 484 یونٹس پر کام شروع ہو چکا ہے۔
حرم مقدس امیرالمؤمنین علیہالسلام کے نائب متولی انجینئر احسان الطائی اور مجلسِ نظما کے ارکان پر مشتمل ایک وفد نے قنبر رہائشی کمپلیکس 1 اور 2 سمیت حرم مقدس سے وابستہ کئی رہائشی اور خدماتی منصوبوں کا معائنہ کیا، قنبر کمپلیکس کا شمار حرم مقدس کی انتظامیہ کے عملے کی رہائش کے لیے سب سے اہم منصوبوں میں ہوتا ہے۔
منصوبوں کی پیش رفت کا جائزہ
مجلسِ نظما کے رکن مصطفی مهدی منی نے ذرائع ابلاغ کو بتایا کہ یہ دورہ حرم مقدس امیرالمؤمنین علیہالسلام کے متولی سید عیسیٰ الخرسان کی براہِ راست ہدایت پر کیا گیا، وفد نے قنبر اوّل کمپلیکس، اس سے ملحق مسجد اور تجارتی مراکز کا معائنہ کیا،تمام منصوبے تکمیلی مراحل میں ہیں۔
500 رہائشی یونٹس کی تکمیل
منی کے مطابق، وفد نے قنبر 2 کمپلیکس کے پہلے مرحلے کا بھی معائنہ کیا، جس میں 500 رہائشی یونٹس شامل ہیں،یہ مرحلہ تقریباً مکمل ہے اور جلد حرم مقدس کی مجلس نظما کے عملے کے سپرد کر دیا جائے گا، جب کہ 484 یونٹس پر مشتمل دوسرا مرحلہ شروع ہو چکا ہے۔
انجینئرنگ اجلاس اور ٹائم لائن
محکمۂ امورِ انجینئرنگ و تعمیرات کے سربراہ انجینئر مصطفی محبوبہ نے وضاحت کی کہ وفد نے جاری تمام کام کا جائزہ لیا اور نگرانی کرنے والے انجینئرنگ عملے کے ساتھ بات چیت کی تاکہ ٹائم لائن اور مراحلِ عمل کی تسلی ہو سکے۔
رکاوٹوں کا ازالہ اور معیار پر زور
قنبر دوم کے پراجیکٹ مینیجر انجینئر سعد الجبوری نے کہا کہ یہ دورہ حرم مقدس کی مسلسل تکنیکی و انتظامی حمایت کا حصہ ہے، وفد نے تاکید کی کہ کام کی رفتار تیز رکھی جائے اور تعمیر میں استعمال ہونے والے تمام خام مواد کا معیار اعلیٰ رہے۔
اسٹریٹجک وژن
قنبر دوم کمپلیکس میں 2500 سے زائد یونٹس تعمیر کیے جائیں گے، اس منصوبے کا مقصد حرم مقدس امیرالمؤمنین علیہالسلام کے خدام اور ان کے اہلِ خانہ کو باعزت رہائش فراہم کر کے سماجی استحکام مضبوط کرنا ہے، جیسا کہ پہلے قنبر اوّل کمپلیکس کی کامیاب تکمیل سے ثابت ہوا۔
