حرم مقدس امیرالمؤمنین علیہالسلام کے انجینئرنگ اور تعمیراتی عملے نے شارع الرسول کے غیر ہموار چوراہے کے داخلی راستوں اور حرم مقدس کی طرف جانے والے راستوں کی توسیع کے منصوبے پر عمل درآمد شروع کر دیا ہے۔
یہ اقدام ایک خدماتی منصوبے کے تحت بنیادی ڈھانچے کی بہتری اور اس علاقے میں زائرین کی آمد و رفت کو آسان بنانے کے مقصد سے کیا جا رہا ہے۔
حرم مقدس امیرالمؤمنین علیہالسلام کے انجینئرنگ اور تعمیراتی شعبے کی نگرانی میں انجینئرنگ عملہ اس وقت حرم مقدس کی طرف جانے والے راستوں کی توسیع کرنے میں مصروف ہے۔
پروجیکٹ کے نگرانوں میں شامل انجینئر محمد ریاض نے میڈیا سینٹر سے گفتگو کرتے ہوئے بتایا کہ آج کل رات گئے تک کام جاری رہتا ہے۔
موجودہ مرحلے میں زمین کو ہموار کرنے، مٹی کی تیاری اور بیس تیارے کرنے کا عمل شامل ہے، جس کے بعد مقام کی نوعیت اور خصوصیات کے مطابق مقرنس کاری کے مراحل انجام دیے جائیں گے۔
انہوں نے مزید کہا کہ حرم مقدس امیرالمؤمنین علیہالسلام میں آنے والے زائرین کی بڑی تعداد کے پیش نظر ضروری ہے کہ تیزی کے ساتھ اور اعلیٰ ترین معیار کو برقرار رکھتے ہوئے منصوبے پر عمل درآمد کیا جائے۔ ان کے مطابق انجینئرنگ ٹیمیں طے شدہ شیڈول کے مطابق منصوبے کی تکمیل کے لیے اپنی تمام تر صلاحیتیں بروئے کار لا رہی ہیں۔
یہ اقدامات ان متعدد منصوبوں کا حصہ ہیں جو حرم مقدس امیرالمؤمنین علیہالسلام کے اطراف میں خدمات کے معیار کو بہتر بنانے کے مقصد سے انجام دیے جارہے ہیں ۔
