حرم مقدس امیرالمؤمنین علیہالسلام نے عید مبعث پیغمبر اکرم صلیاللہعلیہوآلہ کی مناسبت سے یہ فیصلہ کیا ہے کہ اس مبارک موقع پر حرم مقدس امیرالمؤمنین علیہالسلام کی زیارت کے لیے آنے والے زائرین کی آمدورفت کو سہل اور رواں رکھنے کی غرض سے شارع الرسول کے غیرہم سطحی چوراہے اور شیخ طوسی کے غیرہم سطحی چوراہے پر جاری نوسازی اور بہتری کے منصوبوں کو عارضی طور پر معطل کر دیا جائے۔
حرم مقدس امیرالمؤمنین علیہالسلام کے تعمیراتی اور انجینئرنگ شعبے نے اعلان کیا ہے کہ ان غیرہم سطحی چوراہوں پر جاری ضمنی اور سطحی بہتری کے کاموں کو وقتی طور پر روک دیا گیا ہے اور عید مبعث کے اختتام کے فوراً بعد یہ کام دوبارہ شروع کر دیے جائیں گے۔
اس شعبے کے سربراہ انجینئر مصطفی محبوبہ نے کہا کہ شارع الرسول اور شیخ طوسی کے غیرہم سطحی چوراہوں پر جاری ضمنی اور سطحی توسیعی کام دراصل ان چوراہوں کی تعمیر کے بنیادی منصوبے کا حصہ ہیں، تاہم حرم مقدس امیرالمؤمنین علیہالسلام میں 27 رجب کو منعقد ہونے والے جشن کے پیشِ نظر ان سرگرمیوں کو عارضی طور پر روک دیا گیا ہے،انہوں نے واضح کیا کہ اس کے باوجود رجب کے ایامِ زیارت میں عراق کے اندر اور باہر سے آنے والے زائرین کی آمدورفت کو آسان بنانے کے لیے تیاریوں کا عمل جاری ہے۔
انہوں نے حرم مقدس کے میڈیا سینٹر سے گفتگو میں مزید کہا کہ ان چوراہوں کی اہمیت اور زائرین کی سلامتی و آسائش کو مدنظر رکھتے ہوئے یہ فیصلہ کیا گیا ہے کہ ترقی اور بہتری کے کام چند روز کے لیے مؤخر کر دیے جائیں۔
انہوں نے مزید کہا کہ اس عارضی تعطل کا مقصد حرم مقدس امیرالمؤمنین علیہالسلام کے زائرین کے لیے آمدورفت کو مکمل طور پر رواں رکھنا ہے، جبکہ جشن کے اختتام کے بعد ترقیاتی اور بہتری کے تمام کام فوری طور پر دوبارہ شروع کر دیے جائیں گے، یہ اقدام حرم مقدس امیرالمؤمنین علیہالسلام کے خدام کی جانب سے حرم مقد کے اطراف کے ماحول کو بہتر بنانے اور زائرین کرام کو بہتر خدمات فراہم کرنے کے لیے مسلسل توجہ اور کوششوں کا عکاس ہے۔
