حرم مقدس امیرالمؤمنین علیہالسلام نے مولود کعبہ بین الاقوامی ہفتہ کے پروگراموں کے تحت ہندوستان کی ریاست گجرات کے شہر احمدآباد میں امیرالمؤمنین علیہالسلام کی ولادت با سعادت کے جشن کا انعقاد کرنے کے لیے تیاریاں مکمل کر لی ہیں۔
یاد رہے کہ حرم مقدس امیرالمؤمنین علیہالسلام کی مجلس نظما کے ایک وفد نے ہندوستان کے شہر احمدآباد میں امیرالمؤمنین علیہالسلام کی ولادت با سعادت کے جشن کی تیاریوں کو حتمی شکل دینے کے لیے شہر کے مقامی مدارس، مساجد اور اداروں کا دورہ کیا اور تقریب کے انعقاد کے لیے ہر طرح کی ہم آہنگی یقینی بنائی۔
حرم مقدس امیرالمؤمنین علیہالسلام سے ہندوستان جانے والے وفد میں حرم مقدس کے شعبۂ تعلقات عامہ و بین الاقوامی امور، مذہبی تبلیغ اور فکری و ثقافتی سرگرمیوں کے شعبوں میں خدمات انجام دینے والے اراکین محند الجمالی، شیخ ہانی الکنانی اور شیخ سلام الناصری کے ساتھ حرم مقدس کے میڈیا سیل کے کچھ خادمین بھی شامل ہیں۔
محند الجمالی نے حرم مقدس کے نیوز سینٹر سے بات کرتے ہوئے کہا کہ ان تیاریوں میں دینی مدارس، مساجد، یتیم خانوں اور علمی اداروں کا دورہ، نیز دعوت ناموں کی ترسیل، حرم مقدس امیرالمؤمنین علیہالسلام کی جانب سے تبرکی تحائف کی پیشکش اور ہندوستان میں اس جشن کے کامیاب انعقاد کے لیے متعلقہ اداروں کے ساتھ ہم آہنگی شامل تھی۔
انہوں نے حرم مقدس امیرالمؤمنین علیہالسلام کے تمام شریک شعبوں کی کاوشوں کا بھی شکریہ ادا کیا اور ہندوستانی اداروں کے تعاون کو، جنہوں نے اس مبارک تقریب کی کامیابی میں اہم کردار ادا کرتے ہوئے ضروری سہولیات فراہم کیں، سراہا۔
