حرم مقدس امیر المومنین علیہ السلام نے "میری چادر” پروگرام کے انعقاد کے آخری مراحل مکمل کرنے کے لیے ایک ابتدائی نشست منعقد کی۔
حرم مقدس امیر المومنین علیہ السلام کے شعبۂ منصوبہ بندی و ترقی سے وابستہ مرکز "نَظم” نے نجف اشرف صوبے میں یونیورسٹی سطح پر منعقد ہونے والے پروگرام "میری چادر” کے پانچویں مرحلے کی تیاریوں کے آخری مراحل مکمل کرنے کے لیے ایک خصوصی نشست کا اہتمام کیا۔
مزید پڑھیں:
حرم مقدس امیرالمؤمنین علیہالسلام کا خواتین زائرین کی رہنمائی پروجیکٹ کا آغاز
حرم مقدس کے شعبۂ میڈیا کے نائب سربراہ جعفر البديری نے نیوز سینٹر سے گفتگو کرتے ہوئے کہا: یہ نشست حتمی تفصیلات کا جائزہ لینے کے لئے اور تمام انتظامی و عملی پہلوؤں پر غور کے لیے منعقد کی گئی، جن میں رابطہ اور ہم آہنگی کے طریقہ کار، تقریب کے مجموعی خاکے کی تیاری، آمد و رفت کے نظم، پروگرام کے مختلف حصوں کی تقسیم، پروگرام کی سلامتی کو یقینی بنانا اور شریک اداروں کے درمیان ہم آہنگی شامل ہے۔
انہوں نے مزید کہا: متعلقہ شعبوں کے درمیان ذمہ داریاں تقسیم کی گئیں، جن میں مرکز نظم برائے منصوبہ بندی و ترقی، تعلقاتِ عامہ، شعبۂ سکیورٹی، خدماتی امور، مشینری کا شعبہ، شعبۂ میڈیا اور دیگر شعبے شامل ہیں، تاکہ بہترین نتائج حاصل ہوں اور اس اہم پروگرام کے مقاصد پورے کیے جا سکیں۔
یہ نشست "میری چادر” پروگرام کے شایانِ شان انعقاد کو یقینی بنانے کے لیے منعقد کی گئی، تاکہ چادر کا پیغام، جو شناخت اور پابندی کی علامت ہے، طالبات کے درمیان مؤثر انداز میں پہنچایا جا سکے۔
