جب سورج کی کرنیں آہستہ آہستہ آسمانِ نجف کے کنارے سے ڈھلتی ہیں، تو حرم مقدس امیرالمؤمنین علیہالسلام کا سنہرا گنبد اپنی جلالت و عظمت کے ساتھ پوری فضا کو نورانی بنا دیتا ہے۔
یہ وہ لمحہ ہے جب نجف کے آسمان پر غروب کی سرخی اور گنبد کے سنہرے عکس مل کر ایک ایسا روحانی منظر تخلیق کرتے ہیں جو عاشقان ولایت کے دلوں کو سرشار کر دیتا ہے۔
نورِ امامت نہ صرف گنبد پر بلکہ آفاق کی وسعتوں میں جھلکتا ہے۔ یہ منظر دلوں کو سکون، ارواح کو تازگی اور نگاہوں کو ایک خاص روشنی عطا کرتا ہے، زائرین کے لبوں پر دعا اور دلوں میں عشق علوی کی شعلگی مزید بڑھ جاتی ہے۔
یہ غروب، نجف کے عاشقانِ ولایت کے لیے صرف ایک قدرتی منظر نہیں بلکہ ایک الٰہی پیغام ہے کہ نورِ امامت ہر زمانے اور ہر فضا میں اپنی تجلی بکھیر رہا ہے، اور دلوں کو ولایت کے پرچم تلے جمع کر رہا ہے۔
