حرم مقدس امیرالمؤمنین علیہالسلام نے مجمع اہلبیت علیہمالسلام کے تعاون سے عراق کے مختلف صوبوں سے آئی ہوئی 25 خاتون مبلغات کی میزبانی کی، یہ پروگرام خواتین کی تبلیغی صلاحیتوں کو اجاگر کرنے اور دینی و ثقافتی روابط کو تقویت دینے کے مقصد سے منعقد کیا گیا۔
شعبہ امور خواتین کی ذمہ دار محترمہ رمله خزاعی نے بتایا کہ اس سفر کا مقصد خواتین مبلغات کو حرم مقدس امیرالمؤمنین علیہالسلام کے روحانی ماحول سے فیض یاب کرنا، حرم مقدس کے دینی و تاریخی مقامات سے آگاہی فراہم کرنا اور خواتین کی تبلیغی سرگرمیوں کے فروغ کے لیے مذہبی اداروں کے ساتھ نئے تعاون کے راستے کھولنا تھا۔
خواتین میڈیا شعبہ رسانه بانوان کی ذمہ دار محترمہ اسراء تمیمی نے وضاحت کی کہ اس پروگرام میں زیارت حرم مقدس امیرالمؤمنین علیہالسلام کے علاوہ حرم مقدس کے مختلف شعبہ جات کا تعارف کرایا گیا، مزید برآں، دینی تبلیغی شعبہ کے ساتھ ایک خصوصی نشست بھی منعقد ہوئی، جس میں خواتین کے درمیان تجربات کے تبادلے اور روابط کو مضبوط بنانے پر بات چیت کی گئی۔
واضح رہے کہ یہ میزبانی حرم مقدس امیرالمؤمنین علیہالسلام کی اس پالیسی کا حصہ ہے جس کے ذریعے وہ سماج کے مختلف طبقات کی توانائیوں کو پروان چڑھانے اور دینی و ثقافتی سرگرمیوں میں خواتین کے کردار کو مضبوط بنانے کے لیے عملی اقدامات کر رہا ہے۔ اس پروگرام نے خواتین مبلغات کو اپنی فعالیت کو وسعت دینے اور معاشرے کی دینی و اخلاقی خدمت میں مزید مؤثر کردار ادا کرنے کا موقع فراہم کیا۔
