بین الاقوامی ہفتۂ صادقین علیہماالسلام کے اختتام پر حرم مقدس امیرالمؤمنین علیہالسلام نے کرکوک اور دیالی صوبوں میں قرآنی محافل، فکری تقاریر اور منقبتوں کا اہتمام کیا،اس سے قبل یہ سلسلہ بصرہ، بغداد، ذیقار سمیت متعدد صوبوں میں جاری رہا جس میں طلاب و قرآنی اداروں نے وسیع پیمانے پر شرکت کی۔
بین الاقوامی ہفتۂ صادقین کے اختتام پر حرم مقدس امیرالمؤمنین علیہالسلام نے صوبہ کرکوک اور دیالی میں اپنے فکری و قرآنی پروگراموں کو پایۂ تکمیل تک پہنچایا،یہ تقریبات حرم مقدس سے وابستہ دارالقرآنالکریم کے شعبہ فکری و ثقافتی امور کی نگرانی میں منعقد ہوئیں، جن میں فکری و اعتقادی تقاریر، قرآنی نشستیں اور منقبتوں کی محافل شامل تھیں۔
حرم مقدس کے دارالقرآنالکریم کے نمائندے عمار موسوی نے بتایا کہ ہمارے پروگرام کرکوک اور دیالی میں اپنی آخری منزل کو پہنچے،یہ محافل مقامی یونیورسٹیوں، حسینیہ اصحابالکساء، اور جیزانی کی مسجد و حسینیہ کے تعاون سے ضلع داقوق اور الخالص میں منعقد ہوئیں،ان نشستوں میں قرآنی اداروں کے طلاب شریک ہوئے۔
انہوں نے مزید کہا کہ محفل میں جناب محمد فخرالدین نے رسالتِ پیغمبر صلیاللهعلیہوآلہ سے مکتب امام صادق علیہالسلام تک دینی مرجعیت اور اسلامی شناخت کا تحفظ کے موضوع پر خطاب کیا،اس کے بعد قرآن مجید کی تلاوت اور میلاد باسعادت صادقین علیہماالسلام کی مناسبت سے منقبتیں پیش کی گئیں
عمار موسوی نے وضاحت کی کہ بین الاقوامی ہفتۂ صادقین علیہماالسلام کے چوتھے دورے کے دوران یہ سلسلہ بصرہ، ذیقار، بغداد، کرکوک اور دیالی میں جاری رہا، ان تمام تقریبات میں حافظین قرآن مجید ، قاریوں، منقبت خوانوں اور قرآنی اداروں کے طلباء نے بھرپور شرکت کی۔
قابلِ ذکر ہے کہ ہفتہ صادقین علیہماالسلام ۱۳ سے ۱۷ ربیع الاول تک حرم مقدس امیرالمؤمنین علیہالسلام کے صحن شریف حیدری اور صحن حضرت فاطمہ زہرا سلاماللہعلیہا میں منعقد ہوا، جس میں ثقافتی، معرفتی اور تعلیمی پروگرام، محافل تجلیل، چند خدماتی منصوبوں کے افتتاح اور نئے منصوبوں کے آغاز کی تقاریب بھی شامل تھیں۔
- امام صادق علیہ السلام، بصرہ، بغداد، جشن میلاد پیغمبر اکرم، حرم علوی، حرم مقدس امیرالمؤمنین علیہالسلام، دارالقرآنالکریم، دیالی، ذیقار، کرکوک، محافل قرآنی، ہفتہ صادقین
