حرم مقدس امیرالمؤمنین علیہالسلام نے ہفتۂ صادقین علیہماالسلام کے تحت میلاد النبی صلیاللهعلیہوآلہ اور امام جعفر صادق علیہالسلام کی مناسبت سے مقدس حرموں اور عراق کی متعدد یونیورسٹیوں میں ہونے والے پروگراموں میں پرجوش شرکت کی، اس موقع پر محافل قرآنی، دینی اور ادبی پروگراموں سے شرکاء و طلبہ مستفید ہوئے۔
حرم مقدس امیرالمؤمنین علیہالسلام نے ہفتۂ صادقین علیہماالسلام کے چوتھے بین الاقوامی جشن کے تحت، حضرت محمد مصطفی صلیاللهعلیہوآلہ اور امام جعفر صادق علیہالسلام کی ولادت با سعادت کے موقع پر مختلف مقدس مقامات اور عراقی یونیورسٹیوں میں معنقد ہونے والی تقریبات میں بھرپور شرکت کی۔
حرم مقدس امیرالمؤمنین علیہالسلام کے نعت خوانی گروپ کے سربراہ سجاد فحام نے میڈیا سنٹر کو بتایا کہ ہمارے گروپ نے حرم مقدس کے صحن حضرت زہرا سلام اللہ علیہا میں ہونے والے ہفتۂ صادقین علیہماالسلام اور جشن شعر رسول اکرم صلیاللهعلیہوآلہ میں شرکت کی، اسی طرح، حرم مقدس امامین کاظمین علیہماالسلام کے صحن میں منعقدہ ’بہار میلاد‘ کے جشن میں بھی ہماری شرکت رہی۔
انہوں نے مزید کہا کہ ہمارے گروپ نے یونیوسٹیوں کے دو بڑے جشنوں میں بھی شرکت کی جس میں ایک یونیورسٹی آف ٹیکنیکل فرات اوسط اور دوسری یونیورسٹی آف سائنٹیفک فرات اوسط شامل ہے ،ان تقریبات میں نعت خوانوں نے اپنی خوبصورت آواز میں صادقین علیہم السلام کی شان میں قصائد پیش کیے جنہوں نے محفل کو نورانی و روحانی بنا دیا۔
حرم مقدس امیرالمؤمنین علیہالسلام کے میڈیا و نعتیہ یونٹ نے ان تقریبات میں فعال کردار ادا کیا، ان کا مقصد پیغمر اکرم صلیاللهعلیہوآلہ اور امام جعفر صادق علیہالسلام کی ولادت با سعادت کے موقع پر دینی، ثقافتی اور سماجی فضا کو مزید پرنور اور بابرکت بنانا تھا۔
