حرم مقدس امیرالمؤمنین علیہالسلام میں جشنِ میلادِ رسول اکرم صلیاللهعلیہوآلہ اور امام جعفر صادق علیہالسلام کی مناسبت سے صحن حضرت زہرا سلام اللہ علیہا میں چوتھے بین الاقوامی عربی مشاعرے کا انعقاد ہوا جس میں دنیا بھر کے نامور شعراء نے شرکت کی اور پغمبر اکرم صلیاللهعلیہوآلہ و اہل بیت علیہمالسلام کی شان میں نذرانہ عقیدت پیش کیا۔
حرم مقدس امیرالمؤمنین علیہالسلام میں بروز جمعرات ۱۸ ربیع الاول ۱۴۴۷ ہجری قمری کو چوتھے بین الاقوامی عربی مشاعره کا آغاز ہوا،یہ نشست صحن حضرت زہرا سلام اللہ علیہا میں’’مدینے کے دروازں کی طرف‘‘ کے عنوان کے تحت منعقد ہوئی،
یہ مشاعرہ بین الاقوامی ہفتہ صادقین علیہماالسلام کے پروگراموں کا حصہ ہے جو میلاد باسعادت حضرت محمد مصطفی صلیاللهعلیہوآلہ اور امام جعفر صادق علیہالسلام کی مناسبت سے منعقد کیا جا رہا ہے۔
اس تقریب میں علمی و ادبی شخصیات، حوزہ علمیہ کے اساتذہ و طلاب، نجف اشرف کے گورنر، حکومتی و مقامی عہدیداران، ادیب، شعراء اور عوام الناس نے بھرپور شرکت کی، حرم مقدس امیرالمؤمنین علیہالسلام کے نائب متولی، اراکینِ مجلس امناء، دیگر شعبہ جات کے ذمہ داران اور خدام بھی اس تقریب میں موجود تھے۔
تقریب کا آغاز حرم مقدس امیرالمؤمنین علیہالسلام کے قاری مصطفی قتاد حسینی کی پرکیف تلاوت سے ہوا،بعد ازاں، حیدر العیساوی نے متولی کی نمائندگی کرتے ہوئے استقبالیہ خطبہ پیش کیا اور کہا کہ یہ مشاعرہ صرف ادبی اجتماع نہیں بلکہ ایک روحانی فضا ہے جو محبتِ نبوی صلیاللهعلیہوآلہ اور ولایتِ اہل بیت نبوت علیہمالسلام کو پروان چڑھاتی ہے۔
انہوں نے مزید کہا کہ شعر ہمیشہ امت کی میراث کے تحفظ کا ذریعہ اور صدائے حق رہا ہے، اہل بیت علیہمالسلام نے کلام کو ذمہ داری، ادب کو رسالت اور قصیدے کو ہدایت کا منبر قرار دیا۔
مشاعره میں عرب دنیا اور اسلامی ممالک کے ممتاز شعراء نے شرکت کی، جن میں نجف اشرف سے شیخ عبداللہ خاقانی ، مراکش سے خالد بودریق، عمان حسام الشیخ، سوڈان سے واثق یونس،لبنان سے عباس عیاد ،سعودی عرب سے ابراہیم بوشفیع اور عراق سے زکی العلی شامل ہیں، ان کے کلام نے بارگاہ رسالت و ولایت کی عظمت کو نئی روشنی بخشی۔
